Абылай хан атындағы Қазақ халықаралық қатынастар және әлем тілдері университетінің Шығыс филологиясы кафедрасы "Dilmar" үйірмесінің ұйымдастыруымен Қазақстан Республикасының тәуелсіздігіне 28 жыл толуына орай "Тәуелсіздік - мәңгілік елдің тұғыры" тақырыбына эссе байқауы өтті. Бұл байқауға Шығыстану факультетінің және Шет тілдері Педагогикалық факультетінің студенттері қатысты. Әділ қазылар мүшесі, араб тілінің ұстазы Тубажанов Ермек Махмутович өз пікірін білдіріп, болашақта студенттер белсенділік танытады деген ойын жеткізді. Әділқазы мүшелері байқау қатысушыларын алғыс хатпен марапаттады.
