2019 жылдың 1 ақпанда халықаралық қатынастар факультетінің негізінде Латвиядан PhD ғылымдарының докторлары Карлис Буковскис мен Марис Андзанс шақырылған сарапшылардың "Еуропалық Одақ: интеграция мәселелері және кеңейту перспективалары" қонақ лекциясын өткізілді.

2019 жылдың 27-31 қаңтар аралығында Қазақстанда Үндістанның мәдениет күндері өтті. 29 қаңтарда ҚР Ұлттық кітапханасында Үндістан көшбасшысы Махатма Гандидің туғанына 150 жыл толуына орай «Махатма Ганди – 150 жыл: өмірі мен мұрасы» атты кітап және фото көрмесімен қатар Үндістан мәдениет күндерінің салтанатты ашылуы рәсімі өтті. Іс-шара Үндістанның Қазақстандағы Елшілігі мен Свами Вивекананда атындағы мәдени орталықпен бірлесіп ұйымдастырылды. 

 2019 жылдың 1 ақпан күні Абылай атындағы Қазақ Халықаралық Қатынастар және Әлем Тілдер Университеті жанындағы Конфуций институты және Шығыстану факультетінің ұйымдастыруымен Алматы каласы жоғарғы оқу орындары арасында Қытай жаңа жылына орай «Көктем мерекесі» атты төртінші мерекелік кеш өткізілді.

Иранның парсы тілі мен әдебиеті академиясы баспасөз қызметінің хабарлауы бойынша, 10-шы халықаралық Фараби фестивалінің хатшылығына 5649 мақала келіп түскен. Қазылар алқасының талқылауынан кейін 16 отандық, 7 шетелдік және басқа бөлімдердегі 13 зерттеу жұмысы таңдалған.

        «Дене тәрбиесі және спорт мемлекеттің ерекше назарында болуы керек. Салауатты өмір салты – дені сау ұлттың негізі!» тақырыпты ұранмен 27 қаңтарда  студент жастар арасында үстел теннисінен спорттық жарыс өтті. Аталған шараны Елбасы жолдауында биылғы жылдың «Жастар жылы» аталу құрметіне орай Асфендияров атындағы Қазақ Ұлттық университеті ұйымдастырды.  Жарыста біздің университет намысын менеджмент және халықаралық коммуникация факультетінің Амиржанов Арбол, Казбеков Мағжан және Болатхан Анар есімді студенттерден  құралған топ қорғап, үшінші орынды иеленді.

Қазақ халықаралық қатынастар жəне əлем тілдері университетінің Шығыстану факультеті, Корей тіл бөлімінің 4 курс студенті, Бижанов Ержан қаңтар айының 6-11 күні аралығында Корея мемлекетінің Сеул қаласында «Asia Exchange Assosation жəне GKL» деп аталатын компанияның қолдауымен Азия Жастары жəне екі Кореяның бейбітшілігіне арналған форумға Қазақстанның атынан қатысып қайтты.

Абылай хан атындағы Қазақ халықаралық қатынастар және әлем тілдері университетінде 25 қаңтар күні ҚР Мемлекеттік сыйлығының лауреаты, ҚР Білім беру ісінің үздігі, ҚР Жоғары мектебі ҰҒА-ның корреспондент-мүшесі, филология ғылымдарының докторы, профессор Қалиев Байынқол Қалиұлының 80 жылдық мерейтойына орай «Қазақ тіл білімінің өзекті мәселелері» атты халықаралық ғылыми-практикалық конференция өтті. Халықаралық ғылыми-практикалық конференцияның мақсаты: Ф.ғ.д., проф. Қалиев Байынқол Қалиұлының тіл біліміне байланысты ғылыми еңбектерін саралай отырып, соның негізінде тіл білімінің мәселелерін талқылау, тілді қорғау, оның қолданыс аясын кеңейту. Ұлттық сана-сезімі жоғары, Отанын, ана тілін өз анасынан кем сүймейтін отаншыл жастарды тәрбиелеу, мемлекеттік тілдің қолдану аясын кеңейту, мемлекеттік тілдің мәртебесі мен маңызын кеңінен насихаттау,  патриоттық сезімін ояту.

⠀ Қаңтар айының 17 жұлдызында шығыстану факультеті полиглот Амир Ордабаевпен кездесу ұйымдастырды. Кездесу өте қызықты, әрі танымды өтті. Амир Ордабаев – полиглот, 9 түрлі шет тілдерді меңгерген, «The Social Element» компаниясының модераторы, үш полиглот конференцияның қатысушысы (Будапешт 2013, Нью-Йорк 2015, Салоники 2016).

22 қаңтар күні "Шетел филологиясы: корей тілі" мамандығының 2 курс студенттері қатысқан ҚазХҚжӘТУ Түлектер қауымдастығының  шәкіртақы алуға үміткерлерді конкурстық іріктеу қорытындысы бойынша (корей бөлімі) 2 курс студенті Исмаилова Ақботаға шәкіртақы  берілді.

Абылай хан атындағы Қазақ халықаралық қатынастар және әлем тілдері университетінде дене тәрбиесі кафедрасы ұйымдастырған футзалдан жыл сайынғы «Ректор кубогі» жарысы өтті. Бұл жарыста біздің ЖОО-ның әр факультеттен 8 команда қатысты.