2022 ж. 12 желтоқсанында университетімізге саяси ғылымдарының докторы, Ресей ғылым академиясы Қоғамдық ғылымдар жөніндегі ғылыми ақпарат институтының Таяу және посткеңестік Шығыс бөлімінің меңгерушісі Аватков Владимир Алексеевич және Халықтар достығы Ресей университеті Стратегиялық зерттеулер мен болжамдар институтының директоры Егорченков Дмитрий Александрович ресми сапармен келді. Әріптестер университеттіміздің проректоры, педагогика ғылымдарының докторы Тулебике Алимжановна Кульгильдиновамен және Халықаралық қатынастар факультеттің оқытушылар қураммен кездесіп, бакалавриат, магистратура және докторантура бағдарламалары, студенттер мен оқытушылар құрамының академиялық ұтқырлығы, сондай-ақ екі университет ғалымдарының өзара іс-қимылы және одан әрі өзара тиімді ынтымақтастықтың ағымдағы мәселелерін талқылады, Түркияның сыртқы саясатына назар аударды.

2022 жылғы 12 желтоқсанда "Бөбек " Жалпыұлттық қозғалысы және Қазақстан ғалымдарының Конгресі" қауымдастығы нысанындағы заңды тұлғалар бірлестігі Тәуелсіз Мемлекеттер Достастығы елдері арасында " Үздік студент-2022 " жобасына белсенді қатысқан үздік студенттерді дипломдармен және медальдармен марапаттады. Бұл жобаға Қазақстан Республикасының, Ресей Федерациясының, Өзбекстан Республикасының, Тәжікстан Республикасының, Қырғызстан Республикасының, Беларусь Республикасының студенттері ғылымды одан әрі интеграциялау үшін халықаралық ынтымақтастық шеңберінде қатысты.

2022 жылдың 9 желтоқсанында шет тілдер әдістемесі кафедрасының оқытушылары Шет тілдері педагогикалық факультетінің 405, 415, 323 топтарының студенттерімен поэзия кешін ұйымдастырды. Іс-шараның негізгі мақсаты студенттерді ағылшын әдебиеті мен поэзиясына тарту, эстетикалық талғамға тәрбиелеу, сондай-ақ мәнерлеп оқи білу болды.

2022 жылдың 9 желтоқсанында Халықаралық құқық және экономика факультеті идеология және қоғамдық даму басқармасымен бірлесе отырып, Мәдениет қайраткері, М. Әуезов атындағы Қазақ мемлекеттік академиялық драма театрының актері және директоры, М. Т.Жүргенов атындағы Қазақ ұлттық өнер академиясының профессоры, Театр қайраткерлері одағының мүшесі, «Парасат» орденінің иегері, мемлекеттік сыйлықтардың иегері, Қазақстан Жастар одағы, Фипресси (Монреаль), Алтын тақта (Нидерланды), «Алтын адам» сыйлықтарының иегері, ҚР Халық әртісі – Тұңғышбай Қадырұлы Жаманқұловпен кездесу өткізді.

2022 жылдың 7 желтоқсанында Абылай хан атындағы Қазақ халықаралық қатынастар және әлем тілдері университетінде филология ғылымдарының докторы, профессор Валерий Уйгурович Махпировтың 70 жылдық мерейтойына арналған "Лингвистиканың заманауи тенденциялары: антропоцентристік парадигмадан антропологиялық лингвистикаға дейін" тақырыбында халықаралық дөңгелек үстел өтті.

5 желтоқсанда Халықаралық құқық кафедрасы «Менеджмент және халықаралық коммуникациялар» факультетінің студенттерімен «Тұрмыстық зорлық-зомбылықтың алдын алу мәселелері» тақырыбында конак дәрiciн өткізді.
Дәріс мақсаты: Студенттерге құқықтық тәрбие беруді жалғастыру, оларға тұрмыстық зорлық-зомбылық түсінігін, оның алдын алу мүмкіндіктерін, зорлық-зомбылық құрбанын қорғайтын заңдылықтарды жеткізу, бір-біріне деген жақсы қарым-қатынасқа, жанашырлыққа, ізгі ниет, төзімділікке тарбиелеу.

Факультет ПОҚ-ы студенттердің ғылыми-зерттеу жұмыстарын белсенді жүзеге асырады, оның нәтижесі олардың конференциядағы жарияланымдары мен баяндамалары болып табылады.

2022 жылғы 2 желтоқсанда Менеджмент және халықаралық коммуникациялар факультетінде «Демонополязациялау жағдайындағы туризм менеджменті және халықаралық коммуникациялардың дамуын транформациялау» тақырыбында халықаралық ғылыми-практикалық конференция өтті.

2022 жылдың 3 желтоқсаңында Әл-Фараби атындағы ҚазҰУ-дың жанындағы Конфуций институты Қазақстан Республикасы мен Қытай Халық Республикасының дипломатиялық қарым-қатынастарына 30 жыл толуына орай «Музыка -біздің ортақ тіліміз» атты 8-кезекті Қытай ән-жыр байқауын ұйымдастырды. Әл-Фараби атындағы ҚазҰУ, Абай атындағы ҚазҰПУ, Сулейман Демирель атындағы университеті, Қазақ қыздар педагогикалық университеті, Тұран университеті, Қазақ-қытай тіл колледжі, Абылай хан атындағы ҚазХҚ және ӘТУ студенттері қатысты. Бұл байқауда біздің университетіміздің атынан жетекшісі Меллат Дилнардың дайындауымен өзінің бағын сынап, қатысқан Шығыстану факультеті «Шетел филологиясы» мамандығының 305 топ студенті Кулмагамбетова Аружан Досбулаткызын 3-орын алуымен құттықтаймыз.

2022 жылдың 02 желтоқсанында Абылай хан атындағы ҚазХҚжӘТУ-да № 7 қалалық емхананың жанындағы "Aq jol" жастар денсаулық орталығының өкілі Антон Валерьевич Лавров және орталықтың еріктілерімен студенттердің кездесуі өтті.  Спикерлер нашақорлық мәселелері және оның салдары, АИТВ және ЖИТС туралы қызықты дәріс ұйымдастырды, ал "teenergizer" жастар бастамасының еріктілері нашақорлық туралы статистикамен бөлісті, ЖИТС пен АИТВ-ның таралу жолдары, алдын алу шаралары туралы айтып, жүлделермен қызықты әрі пайдалы интерактив өткізді.

29 қараша мен 2 желтоқсан аралығында Абылай хан атындағы Қазақ халықаралық қатынастар және әлем тілдері университетінде филология ғылымдарының докторы, профессор Пак Нелли Сергеевнаның 80 жылдығына арналған 4-ші корейтану апталығы аясында Шығыстану факультетінің корей бөлімінің 1-4 курс студенттеріне қонақ дәрістері оқылды.