Күн шуақты Өзбекстандағы әріптесіміз, Ташкент Шығыстану Мемлекеттік Университеті үшін қытайтанудың өзекті мәселелері бойынша халықаралық қатысумен республикалық ғылыми-практикалық конференциялар, семинарлар және басқа да іс-шаралар өткізу жақсы дәстүрге айналды. Университетте онлайн-дәрістер, ғылыми семинарлар, сондай-ақ оқытушылардың тәжірибе алмасу үдерісі қазіргі кезде де жалғасуда.
Ташкент Шығыстану Университеті жыл сайын "Өзбекстан-Қытай: тарихи, мәдени, ғылыми және экономикалық байланыстарды дамыту" атты Халықаралық ғылыми-практикалық конференция өткізеді. 2004 жылы Ph.D., доцент Акрамджан Каримов бастаған ғылыми-практикалық Конференция алғаш рет күзде өткізіледі, 2017 жылдан бастап халықаралық мәртебеге ие болды, қазіргі 17-ші кездесуге 114 қатысушы кірді және 2020 жылдың 21 қарашасында онлайн форматта өтті.
Конференцияның басында барлық қатысушыларды Өзбекстан Республикасы Жоғары және орта арнайы Білім Министрінің орынбасары Абсоатов Юсуф Кадырович, университет ректоры Рихсиева Гульчехра, Қытай тарапынан Конфуций өзбек-қытай институтының директоры проф.Янг Тайбао қарсы алды.
Конференцияға 114 адам қатысты, оның ішінде 28 профессор, 20 доцент, 28 докторант және 42 қатысушы шетел азаматтары (18 Қытайдан, 12 Қазақстаннан, 3 Түркия мен Ресейден, 2 Тәжікстаннан, бір Әзірбайжан азаматы, сондай-ақ 5 Қырғызстаннан). Абылай хан атындағы ҚазХҚжӘТУ Шығыстану факультетінен қытай тілі оқытушысы Теляпова Альфия Ғайратовна қатысты. Конференция материалдары 2 томдық кітаптарға жинақталынды, конференция бойынша бұл жұмыстың жоғары деңгейде өткенінің дәлелі деп есептейміз.