27 сәуірде кәсіби аймақтану кафедрасының қауымдастырылған профессорлары Шукыжанова А.Н., Тойганбаева А.Е., аға оқытушы Ахметова Ш.Қ. жетекшілігімен «Аймақтану» мамандығының қазақ, орыс және ағылшын бөлімдерінің студенттері әл-Фараби атындағы ҚазҰУ-де БҰҰ-ның Жаһандық коммуникация департаментінің басшысы Властимил Самектің төрағалығымен 6 университеттің қатысуымен өткен республикалық қашықтық пәндік олимпиадасына қатысты. Олимпиаданың тақырыбы – «Халықаралық қатынастар жүйесін трансформациялау жағдайындағы көші-қон процестері: негізгі үрдістер мен міндеттер».
Командалар арасындағы сайыс үш тапсырмадан тұрды. Біріншісі – командалардың бейне көрсетілімі, екіншісі – «Елдердің көші-қон профилі: ағымдағы жағдай және болжам сценарийі (таңдау елі)» ғылыми-зерттеу жобасы, үшіншісі – Kahoot платформасында команда капитандары арасындағы онлайн викторина.
Олимпиаданың қорытындысы бойынша университетіміздің командалары (орыс бөлімі – Манкешева Айжан, Алеева Дания, Коптилева Анель, ағылшын тілі бөлімі – Болысбекова Мейірім, Кеңесбаева Гүлдана, Қазихан Гаухар, қазақ бөлімі – Жүнісова Аружан, Жеткербай Бекжан, Абдухманова Сандуғаш) университетаралық байқауда үшінші орынға ие болды. Дарынды студенттерімізді шын жүректен құттықтап, оқуда табыс тілейміз.