2022 жылғы 17-18 қарашада Абылай хан атындағы Қазақ халықаралық қатынастар және әлем тілдері университетінде Қазақстан Республикасының Тәуелсіздік күніне арналған "Жаһандық өзгерістер жағдайындағы ғылым мен білімнің өзекті мәселелері" атты IX Халықаралық ғылыми-практикалық конференция өтті.
Конференцияның мақсаты ғылым мен білім саласындағы өзекті мәселелерді талқылау, жаһандық өзгерістер жағдайында жоғары білім сапасын қамтамасыз ету болды.
Ғылыми-практикалық конференция цифрлық трансформация жағдайында білім беру саласындағы үздік тәжірибелерді талқылау және алмасу үшін халықаралық диалог алаңына айналды.
Конференцияға шетелдік және отандық жоғары оқу орындарының, колледждердің әріптестері, ҒЗИ ғылыми қызметкерлері, докторанттар, магистранттар, студенттер қатысып, лингвомәдениеттану әдіснамасы, филология мен лингвистиканың өзекті мәселелері, әлем халықтары саласындағы зерттеулер негізінде модельдеу құзыреттілігінің заманауи шет тілді-білім беру парадигмасына қатысты көптеген мәселелерді талқылады.
