19-21 ақпан аралығында Абылай хан атындағы ҚазХҚжәнеӘТУ-не ресми іс-сапармен Pembangunan Nasional Veteran Jakarta (Индонезия Республикасы) университетінің делегациясы келді. Сапардың басты мақсаты 2024-2025 оқу жылынан бастап халықаралық қатынастар саласында қос диплом бағдарламасын енгізу жоспарларын түпкілікті талқылау болып табылады.
Екі жақтың өкілдері бағдарламаның негізгі аспектілерін, соның ішінде оқу мазмұны мен оқу жоспарына енгізілетін негізгі пәндерді белсенді түрде талқылады. Бұл студенттерге халықаралық стандарттарға сәйкес білім алуға және халықаралық қатынастар саласындағы білімдері мен тәжірибесін кеңейтуге мүмкіндік беретін Қазақстан мен Индонезия арасындағы білім беру байланыстарын дамытудағы маңызды қадам.
Қазіргі уақытта қос диплом бағдарламасы Индонезия Республикасы Білім Министрлігінің лицензиялау және аккредиттеу процесінің соңғы сатысында тұр және бұл бағдарламаның білім беру сапасының жоғары стандарттарына сәйкестігін растап, екі елдің студенттеріне сапалы білім алуға және халықаралық деңгейде танылған диплом алуға мүмкіндік береді.