2024 жылдың 20 ақпанында шығыстану факультетінде шығыс филологиясы кафедрасының қытай тілі бөлімінің оқытушысы Райхан Багиланың жетекшілігімен 306 топ ұйымдастырған “Қытай елінің өнері мен мәдениеті” атты қызықты және танымдық іс-шара өтті.
Бұл іс-шараның мақсаты студенттер мен оқытушыларды қытай мәдениетімен, тарихымен, дәстүрімен таныстыру болды.
Шығыстану факультетінің деканы Э.М. Кагазбаева, шығыс филологиясы кафедрасының меңгерушісі Г.Ж. Бүркітбай, шығыстану факультетінің оқытушылары мен студенттері қатысты. Қатысушылар Қытай өнерінің алуан түрлілігі мен байлығын көрсететін танымдық бейнероликтерді тамашалады. Каллиграфия және қағаз кесу бойынша шеберлік сабақтары барлығына осы таңғажайып дәстүрдің бір бөлігі ретінде сезінуге мүмкіндік берді. Дәстүрлі киімдер мен аспаздық тағамдардың көрсетілімі мерекенің жалпы атмосферасын толықтырды.
Қытай дәстүрін зерттеу – ой-өрісті кеңейту ғана емес, сонымен қатар жан дүниені жаңа білім мен әсерлермен байыту мүмкіндігі. “Қытай елінің өнері мен мәдениеті” іс -шарасы осы бағыттағы тамаша қадам болды. Ол барлық қатысушыларға қытай өркениетінің әлеміне еніп, мәдени түсінудің жаңа көкжиектерін ашуға мүмкіндік берді.
Келесі кездесулер мен іс-шаралар бізді күтуде және біз шығыс елдерінің әлеміне енудің жаңа мүмкіндіктерін күтеміз.