2025 жылғы 25 қыркүйекте Алматы қаласында С.Д. Асфендияров атындағы Қазақ ұлттық медицина университетінің «Concordia» театрында QS World University Rankings 2026 сертификаттарын табыстау рәсімі салтанатты түрде өтті. Іс-шараға халықаралық QS рейтинг агенттігінің өкілдері, Қазақстан Республикасының жетекші жоғары оқу орындарының ректорлары, мемлекеттік органдардың өкілдері, студенттер мен оқытушылар қатысты.
Биылғы жылы рейтингке 22 қазақстандық жоғары оқу орны енді, олардың ішінде Абылай хан атындағы Қазақ халықаралық қатынастар және әлем тілдері университеті бар. Бұл біздің Университетіміздің және жалпы ұлттық жоғары білім беру жүйесінің өсіп келе жатқан халықаралық мойындалуының маңызды дәлелі болды.
QS World University Rankings талдау нәтижелері бойынша 2026 жылғы рейтингтік циклде Абылай хан атындағы Қазақ халықаралық қатынастар және әлем тілдері университеті «1201–1400» аралығындағы орынды иеленді. Бұл, өз кезегінде, рейтингке енгізілген 8500 жоғары және жоғары оқу орнынан кейінгі білім беру ұйымдарының 85%-ынан Университеттің озық екенін білдіреді.
QS WUR сертификаттарын табыстау рәсімі университеттердің жетістіктерін мойындап қана қоймай, Қазақстан Республикасындағы ғылым мен білімнің одан әрі дамуының нышанына айналды.
.png)
