Интернационалдандыру стратегиясын жүзеге асыру және жаһандық серіктестікті кеңейту шеңберінде Абылай хан атындағы Қазақ халықаралық қатынастар және әлем тілдері университеті халықаралық бөлімінің қызметкерлері Сакипов Артур Арсенович пен Ерланұлы Шахназар Нидерландыда өткен Inholland International Staff Week халықаралық апталығына қатысты.
Іс-шара бағдарламасы Inholland қолданбалы ғылымдар университетінің Роттердам және Амстердам қалаларындағы екі кампусын қамтыды және оқытудың заманауи тәсілдеріне, халықаралық ұтқырлық пен урбанистикаға бағытталды.
Іс-шара барысында А. А. Сакипов пен Ш. Ерланұлы бірқатар жұмыс сессияларына қатысып, негізгі инновациялық алаңдарды аралады:
Еуропалық білім беру трендтерін зерттеу: Роттердам кампусында қызметкерлер «Vision on Learning and Assessment» тұжырымдамасымен және жоғары оқу орындарын интернационалдандыру стратегияларымен танысты. Аралас қысқа мерзімді ұтқырлық бағдарламаларына (Erasmus+ BIP — Blended Intensive Programmes) ерекше назар аударылды.
Инфрақұрылыммен және жобалық қызметпен танысу: Білім беру мен индустрияның интеграциясын көрсететін нысандарға бару ұйымдастырылды. Роттердамда қызметкерлер Van Nelle Fabriek (ЮНЕСКО-ның бүкіләлемдік мұра нысаны, креативті кеңістік ретінде пайдаланылады) нысанын тамашалады. Амстердамда олар қаланың солтүстік бөлігіндегі Urban Leisure & Tourism Lab жұмысымен танысып, Startdock студенттік жобаларын зерттеді.
А. А. Сакипов пен Ш. Ерланұлының халықаралық апталыққа қатысуы келесі міндеттерді шешуге мүмкіндік берді:
Шетелдік студенттерді бейімдеудің және оларды қолданбалы зерттеулерге тартудың еуропалық механикалары зерттелді.
Серіктестер пулын кеңейту және академиялық алмасудың бірлескен бағдарламаларын іске қосу үшін шетелдік әріптестермен тікелей байланыстар орнатылды.
.png)
