2026 жылғы 1 шілдеде Қазақстан Республикасының жаңа Конституциясы ресми түрде күшіне енген күні Абылай хан атындағы Қазақ халықаралық қатынастар және әлем тілдері университетінде түлектерге еліміздің Ата Заңын салтанатты түрде табыстау рәсімі өтті.
Жаңа Конституция 2026 жылғы 15 наурызда өткен республикалық референдумның қорытындысы бойынша қабылданып, мемлекеттің одан әрі даму бағыттарын айқындайды. Құжатта мемлекеттік құрылыстың жаңартылған қағидаттары, мемлекеттік билік органдарының жүйесі, сондай-ақ азаматтардың құқықтары, бостандықтары мен міндеттері бекітілген. 1 шілдеден бастап Ата Заң ресми түрде күшіне еніп, Қазақстан Республикасының дамуындағы жаңа кезеңнің бастауына айналды.
Қазақстан Республикасының Конституциясын түлектерге оқу жұмысы жөніндегі проректор Байсултанова Кулипа Чарипкановна табыстады. Ол жас мамандарды университетті табысты аяқтауларымен құттықтап, кәсіби жетістіктер, жауапкершілік, үздіксіз даму және құқықтық мемлекет құндылықтарын әрдайым құрметтеуді тіледі.
Салтанатты рәсім диплом табыстау мерекесінің аясында өтіп, ерекше мәнге ие болды. Дипломмен бірге түлектер еліміздің Ата Заңын қабылдап, азаматтың құқықтары мен бостандықтарының кепілі саналатын, мемлекет пен қоғам дамуының негізгі қағидаттарын айқындайтын маңызды құжатқа ие болды.
Конституцияны табыстау жастардың құқықтық мәдениетін қалыптастырудың, заңға құрмет пен белсенді азаматтық ұстанымды нығайтудың маңыздылығын көрсетті. Ablai Khan University түлектері үшін бұл күн кәсіби қызметке қадам басып, елдің дамуына өз үлесін қосатын жаңа өмір кезеңінің бастауы болды.
.png)
