15 сәуір сағат 11:00-де Абылай Хан атындағы ҚазХҚжәнеӘТУ-нің 80 жылдық мерей тойы қарсаңында Шығыстану факультеті, Шығыс филологиясы кафедрасы Түрік тілі бөлімінің ұйымдастыруымен «Түрік тілін онлайн оқытудағы ақпараттық технологиялардың тиімділігі» атты Республикалық онлайн семинар өтті.
Шығыстану факультетінің деканы, Дәуен Динара Ханым, аталмыш семинардың оқытушылардың өзара тәжірибе алмасып, біліктілігін арттыруда мол үлес қосатынын атап өтті. Сонымен қатар, семинардың табысты өтуін тілей отырып, қатысушыларға алғысын білдірді.
Онлайн-семинарға ЖОО-ның оқытушылары және магистранттар қатысты. Атап айтқанда: әл-Фараби атындағы ҚазҰУ, Абай атындағы ҚазҰПУ, ШТжәнеІКУ, А.Ясауи атындағы ХҚТУ, Л.Н. Гумилев атындағы ЕҰУ, Абылай Хан атындағы ХҚжәнеӘТУ-нің білікті оқытушылары озық тәжірибелерімен бөлісті.