2021-жылы, 16-сәуірде, Абылай хан атындағы ҚазХҚжӘТУ қазақ филологиясы кафедрасының ұйымдастыруымен Ресей Жаратылыстану академиясының корреспондент-мүшесі Білім беру саласының үздігі, тілші-ғалым, филология ғылымдарының докторы, профессор Есеналиева Жанар Жорабекқызының 60 жылдық мерейтойына, Қазақстан Республикасы Тәуелсіздігінің 30 жылдығына және университеттің 80 жылдығына арналған “Тіл және мәдениетаралық коммуникация” атты халықаралық ғылыми-практикалық онлайн конференциясы өтті. Модератор болып Абылай хан атындағы ҚазХҚжӘТУ қазақ филологиясы кафедрасының меңгерушісі, ф.ғ.к., доцент Ақбота Тұрағұлқызы Қоңырова қызмет атқарды. Конференцияға белгілі ғалымдар,қоғам қайраткерлері қатысты.
Халықаралық конференция 5 секциялық мәжілісте өтті. Олар мынандай тақырыптарды қамтыды:
- Қазақ тілінің тарихы және латын графикасының мәселелері;
- Мәдениетаралық коммуникация және лингвомәдениеттану контекстіндегі заманауи мәселелер;
- Аударма ісінің өзекті мәселелері;
- Мәдениеттер диалогы контекстіндегі әдебиет;
- Шетел және қазақ тілдерін оқыту әдістемесі.
Сондай-ақ конференция барысында ғалымның еңбектерінің тұсау кесері болды. Профессор Есеналиева Жанар Жорабекқызының жазған еңбектері ғылым жолында таптырмас еңбек және үлкен қазына екені сөзсіз.