2023 жылдың 9 қараша айында Абылай хан атындағы Қазақ халықаралық қатынастар және әлем тілдері университеті «Менеджмент және халықаралық коммуникациялар» факультеті қонақжайлылық менеджменті кафедрасы 6В11102 «Мейрамхана ісі және мейманхана бизнесі» білім беру бағдарламасының 1 курс 101 тобының студенттері Жапарбай Амина мен Хожалиева Балнұр Алматы облысы, Еңбекшіқазақ ауданы, Саймасай ауылының Ахмет Байтұрсынұлы атындағы орта мектепте өткізілген «Ел үміті» пікірсайыс клубы ұйымдастырған пікірсайыс турниріне қатысты. Ғылыми жетекшілері - кафедра меңгерушісі Ракымжанова С.С., э.ғ.к., доцент Заманбекова А.Б., оқытушы Нұғманова А.Д., аға оқытушы Кәрімов Д.Ж. Турнирге мектептің ағылшын тілі пәні мұғалімі Қазанқап Г.Т. жетекшілік еткен 11 сынып оқушылары қатысты.

Құрметті достар, 8 қазанда Алматыда Ұлттық парктерде Мемлекет басшысы жариялаған «Қоқыссыз таза табиғат» жалпыұлттық акциясы аясында жаппай экологиялық сенбілік өтеді.

Алматы қаласының Жастар саясаты басқармасы қаланың барша жанашыр жандарын осы акцияға атсалысуға шақырады!

Дүниежүзілік туризм күні (World Tourism Day) 1979 жылы БҰҰ Дүниежүзілік туристік ұйымының (UNWTO) Бас Ассамблеясымен құрылды және жыл сайын 27 қыркүйекте атап өтіледі. Бұл күн 1970 жылы Дүниежүзілік Туристік Ұйымның Жарғысы қабылданғандықтан таңдалды. Мерекенің мақсаты – туризмді насихаттау және халықаралық байланыстарды дамыту, сондай-ақ туризмнің маңыздылығына және оның әлеуметтік, мәдени және экономикалық маңыздылығына назар аудару.