2024 жылдың 10 сәуірінде Абылай хан атындағы Қазақ халықаралық қатынастар және әлем тілдері университетінің "Құқықтану" мамандығының 3 курс студенттері арасында әл-Фараби атындағы ҚазҰУ-дың кеден, қаржы және экологиялық құқық кафедрасының  з.ғ. к., аға оқытушы Б. М. Жугралина "Халықаралық шарттар құқығы аясында ҚР қылмыстық заңнамасындағы азаматтық және саяси құқықтар туралы халықаралық пакт" тақырыбында дәріс өткізді. Дәрісті з.ғ. к., халықаралық құқық кафедрасының доценті Ж. Б. Меерманова ұйымдастырды..

2024 жылдың 8 сәуірінде Абылай хан атындағы Қазақ халықаралық қатынастар және әлем тілдері университетінде Walailak University-дің өкілдерімен кездесу өтті. Walailak University атынан университет президенті, профессор, доктор Сомбат Тамронгтханявонг, Инженерия және технологиялар мектебінің деканы, доктор Монтиан Сеткит, Халықаралық қатынастар орталығының директоры, доктор Патнарин Супакорн және Менеджмент бойынша докторлық бағдарламасының төрағасы, доктор Панкеовта Лакканаванит қатысты.

2024 жылдың 04 сәуірінде "Абылай хан атындағы Қазақ халықаралық қатынастар және әлем тілдері Университеті" АҚ "Халықаралық бизнес" кафедрасы "Кәсіпорын экономикасы" пәні бойынша Қазақстан Республикасының жоғары оқу орындарының студенттері арасында онлаин аймақтық студенттік пәндік олимпиада(бұдан әрі-АСПО) өткізді.

«Не? Қайда? Қашан?» Тапқыр достар атты интеллектуалды-танымдық ойыны! Колледждердің проф. ориентациялық жұмысы бойынша студенттер үшін арналған. Қатысушылар:

1. Абылай хан атындағы ҚазХҚжӘТУ «Халықаралық сервис және менеджмент колледжі».
2. Абылай хан атындағы ҚазХҚжӘТУ «Менеджмент және халықаралық туризм колледжі».
3. Алматы қаржы-экономикалық колледжі.

Педагогикалық факультеттің 2 курс студенті, факультет Лидері Інкаш Назерке 2024 жылғы 7-9 ақпанда Лион қаласында (Франция) «Ғылыми қоғамдастықтың біздің заманымыздың жаһандық сын-қатерлеріне интеграциясы» атты IX Халықаралық ғылыми-тәжірибелік конференцияға онлайн түрде қатысып, ғылыми жобасы жинаққа шықты. Жетекшісі педагогикалық ғылымдар магистрі Бейсенова Дамира Маратовна.

19-21 ақпан аралығында Абылай хан атындағы ҚазХҚжәнеӘТУ-не ресми іс-сапармен Pembangunan Nasional Veteran Jakarta (Индонезия Республикасы) университетінің делегациясы келді. Сапардың басты мақсаты 2024-2025 оқу жылынан бастап халықаралық қатынастар саласында қос диплом бағдарламасын енгізу жоспарларын түпкілікті талқылау болып табылады.

Ақпан айы ҚазХҚ және ӘТУ университетінің аударма және филология факультетіндегі оқиғаларға бай ай болды. Оқиғалардың шапшаң құбылуындағы маңызды сәт 21 ақпанда өткізілген "Аударма және филологиядағы мәдениетаралық коммуникация мәселелері" атты студенттік конференция болды.

Абылай хан атындағы Қазақ халықаралық қатынастар және әлем тілдері университетінің Халықаралық қатынастар, құқық және бизнес факультетінің "Халықаралық бизнес" кафедрасы 2024 жылғы 20 ақпанда "Бизнес-жоспарлау" пәні бойынша онлаин халықаралық студенттік олимпиада өткізді.

2024 жылғы 19 ақпанда 207/3 аудиторияда сағат 10:55-12:40 аралығында э.ғ. к., ассоц профессор  С. О. Читанова "Халықаралық бизнес" білім беру бағдарламасының 4 курс орыс бөлімі студенттерімен Іскерлік ойын түріндегі "ҚР сыртқы саудасы" тақырыбында ашық сабақ өткізді.

2024 жылдың 13 ақпанында "Қоғаммен байланыс" мамандығының студенттеріне PR эксперті Асель Алимхановадан "PR мамандығының қоғамға әсері" тақырыбына мастер класс өтті.

Мемлекеттік тіліміздің қолдау аясын кеңейтіп, қоғамдық санаға орнықтыру, ақиық ақынның жалынды жырлары арқылы жастардың азаматтық және патриоттық әлеуетін дамыту мақсатында Университетіміздің Идеология және қоғамдық даму басқармасының ұйымдастыруымен ақын Мұқағали Мақатаевтың туған күніне орай 9 ақпан күні «Ақиық ақын - Мұқағали» атты студенттер арасында байқау өтті. 

Қазақ-ағылшын сөздігін құрастыру идеясын алғаш рет 2011 жылы Қазақстандағы АҚШ елшілігі ұсынған болатын. 2011 жылы басталған жоба 2014 жылы аяқталып, қазақша-ағылшынша онлайн сөздігі ретінде жарық көрді. Қазақстан Республикасының Президенті Қасым-Жомарт Кемелұлы Тоқаевтың бастамасымен Ұлттық аударма бюросында сөздік жұмысы қайта жанданды, оның аясында сөздік толықтырылып, өңделіп, редакцияланып, 2023 жылдың соңында Qxford Qazaq Dictionary деген атпен 10 000 дана басып шығарды.

29 қаңтар 2024 жылы Абылай хан атындағы Қазақ халықаралық қатынастар және әлем тілдері университетінің "Халықаралық бизнес" кафедрасы қауымдастырылған профессор А. Абинова және аға оқытушы А. Мауленова жетекшілігімен "Халықаралық бизнес" білім беру бағдарламасының  4 курс қазақ және орыс бөлімінің білім алушылары үшін "Аудит" пәні шеңберінде "Делойт" ЖШС ірі халықаралық аудиторлық - консалтингтік компаниясымен телекөпір өткізді. "Делойт" ЖШС өкілі 15 жылдық тәжірибесі бар сарапшы-аудитор Анель Тулегенова ішкі аудиттің түрлері мен ерекшеліктерін түсіндірді. Студенттер жүйенің сәйкестігін бағалау, ұйымның тәуекелдерін анықтау және аудиторлық бағалаудан кейін фирмаларда бизнес процестерді жетілдіру туралы ақпаратпен танысты.

2024 жылдың 25 Қаңтарында Ablai Khan University-де Қазақстан Республикасы Ішкі істер министрлігі Академиясының қылмыстық құқық және криминология кафедрасы бастығының орынбасары, полиция полковнигі Маймақов Айболат Тілеубайұлы «Құқық негіздері» тақырыбында дәріс оқыды.

2024 жылдың 2-16 қаңтары аралығында Шыңжаң педагогикалық университетінде «Қытай тілін оқыту әдістемесі» тақырыбында семинар өтті. Семинардың негізгі ұйымдастырушысы – ШҰАР халық үкіметінің білім бөлімі мен Қытай Халық Республикасы білім министрлігінің мектеп құрылысын жоспарлау және дамыту орталығы. Семинарға Шығыстану факультетінің Шығыс тілдерінің аудармасы кафедрасының меңгерушісі Джелдібаева Раушан Бәзікенқызы, деканның оқу ісі жөніндегі орынбасары Сәрсембаева Ф.Н., оқытушылар Әділәлі Ж, Әшімбаева А.К. семинарға белсене қатысып, білімдерін жетілдірді.

2023 жылдың 17-30 желтоқсанының аралығында «Бір белдеу, бір жол» жобасы аясында қытай тілі оқытушыларының біліктілігін арттыру бағдарламасы бойынша Абылай хан атындағы ҚазХҚжӘТУ-нің шығыстану кафедрасының оқытушылары – Бұғытаева Самал және Дәулетова Гаухар Бейжің тіл және мәдениет университетінде тағылымдамадан өтті. Бағдарламаның мақсаты – оқытушыларды қытай тілін оқыту әдістеріне үйрету. Дәрістер мен топтық жұмыстан тыс, қытай шәй ішу дәстүрі бойынша шеберлік класы, «Қызыл сарайдағы түс» тарихии романына талдау жүргізілді, Бейжің қаласында экскурсиялар ұйымдастырылды. Оның ішінде: Қытай қорғаны，әлемдегі ең үлкен алаң – Тяньаньмэнь, Тыйым салынған қала. Бұл бағдарлама аяғына келген кезде, біздің оқытушылар қорытынды жұмыстарын тапсырып, тағылымдамаларын сәтті аяқтағаны туралы сертификаттар алды.

Жаңа жыл алдында Абылай хан атындағы ХҚжӘТУ-дің қазақ филологиясы кафедрасы жақсы хабармен сүйіншіленді. Abai University Н.Келімбетов атындығы Түркітану Орталығында ҚР ҰҒА корр. мүшесі Байынқол Қалиұлы, ҚР ҰҒА академигі Шерубай Құрманбайұлы, ф.ғ.д,. профессор Жансейіт Түймабев, ф.ғ.д,. профессор Сәбира Исақованың бірлескен авторлығымен жазылған «Мұқағали тілінің сөздігі» монографиясы  Қазақстан Республикасының Ғылым және жоғары білім министрлігінің бағалауымен гумантитарлық саладағы үздік ғылыми зерттеу еңбегі ретінде Ш.Уалиханов сыйлығына ие болды. Аталған іргелі еңбек тауға қарап өскен тау баласы, асқақ тұлғалы ақиық Мұқағали ақынның сырға толы шығармаларында қолданылған сөздер құдіретін ғылыми айшықтайды.

Халықаралық коммуникациялар кафедрасының қауымдастырылған профессоры Ашилова М. С. дарынды жас ғалымдарға арналған мемлекеттік ғылыми стипендиямен марапатталды. Ол 200-ден астам ғылыми еңбектердің, соның ішінде Scopus, Web of Science базаларындағы жариялымдарының және де бірқатар монографиялар мен оқу құралдарының авторы. Ғылыми саласы- білім философиясы, медиа философиясы және қолданбалы журналистика.

11-13 желтоқсан аралығында Абылай хан атындағы ҚазХҚжәнеӘТУ делегациясы атынан ӘМжәнеТЖ жөніндегі проректор Т.В. Серёжкина және Конфуций орталығының менеджері Қытай Халық Республикасының Білім министрлігі мен Солтүстік-Батыс педагогикалық университеті (Ланчжоу қ.) ұйымдастырған Педагогикалық білім беру жөніндегі Азия-Еуропа халықаралық форумы-2023 жұмысына қатысты.

2023 жылғы 8 желтоқсанда Абылай хан атындағы Қазақ халықаралық қатынастар және әлем тілдері университетінде лингвист-ғалым Карлинский Аврам Ефремұлының 100 жылдығына арналған «Заманауи тілдік байланыстар: теория және практика» тақырыбында халықаралық ғылыми-практикалық конференция өтті.