Шетел филологиясының сөйлеу тәжірибесі кафедрасының қауымдастырылған профессоры, PhD докторы, әріптесіміз Розиева Дильфуза Селмахун қызын CESS (Орталық Еуропа зерттеулері қоғамы) кеңесінің мүшесі болып сайлануымен құттықтаймыз. Ғылыми еңбегі жемісті болып,  шыңдарды бағындыруына тілектеспіз.

Іске асыру шеңберінде Абылай хан атындағы ҚазХҚ және ӘТУ делегациясы Стратегиялық даму жөніндегі проректор Кунанбаева Д.А. және ӘМжәнеТЖ жөніндегі проректор Серёжкина Т.В., Қытайдағы Цзянси провинциясының білім департаменті ұйымдастырған халықаралық білім көрмесіне қатысты. Көрмеге Алматы қаласының 5 жоғары оқу орны қатысты: әл-Фараби атындағы ҚазҰУ, Қ.Сәтбаев атындағы ҚазҰТУ, Нархоз, ALT университеті. Көрме аясында ресми ашылу салтанаты, университеттердің білім беру және инфрақұрылымдық мүмкіндіктерінің көрсетілімі және бірлескен жобаларды құру мәселелері талқыланып, ынтымақтастық туралы меморандумдарға қол қойылды.

Біздің университеттің Қазіргі тілдер институтымен (Милан, Италия) жаңа ынтымақтастығы студенттерге кәсіби және мәдени алмасу үшін жаңа мүмкіндіктер ашты. Бір апта ішінде «Журналистика» білім беру бағдарламасының бірінші және екінші курс студенттері итальяндық оқытушы Андреа Миконидің медиа-әлеуметтану бойынша дәрістерін тыңдаудың бірегей мүмкіндігіне ие болды.

2024 жылдың 13 қыркүйегінде «Абылай хан атындағы Қазақ халықаралық қатынастар және әлем тілдері университеті» АҚ-да «Шетел тілін коммуникативті игеру мәселесі» тақырыбында дөңгелек үстел өтті. Бұл шара шетел тілі әдістемесі кафедрасының меңгерушісі, педагогика ғылымдарының кандидаты, профессор Жумабекова Галиа Байскановнаның 60 жылдығына арналды. Осы тақырып аясында шетел тілін оқыту әдістемесіндегі мәселелер мен болашақ перспективалар талқыланды.

02.09.2024 жылы Қытайда 130 елден 147 қатысушы қатысқан 23-ші кезекті халықаралық «Әлем қытай тілі көпірі» байқауы аяқталды. Абылай хан атындағы ҚазХҚжӘТУ, шығыстану факультетінің «Шетел филология (қытай тілі)» білім беру бағдарламасы бойынша түлегі Кулмагамбетова Аружан Азия  елдерінің қатысушылары арасында жеңіске жетіп, 1 орынға ие болды.

10-31 тамыз аралығында Абылай хан атындағы Қазақ халықаралық қатынастар және әлем тілдері университетінің халықаралық коммуникациялар кафедрасының профессорлық-оқытушылар құрамы жас мамандарға арналған жазғы лагерь аясында ұйымдастырылған тренингтерге қатысты. Шараны Алматы қаласының Өңірлік коммуникациялар қызметі өткізді.

Шығыстану факультетінің студенттері Ерен Айзере, Сатыбалдина Еркеназ және Шетел тілдері педагогикалық факультетінің студенттері Қалтай Аружан, Асилбек Аружан «Түркі әлемінің цифрлық азаматтығы» атты  халықаралық онлайн курс жобасына оқытушылар т.ғ.к., доцент Есеркепова Ж.О. мен аға оқытушы Мажикенова Ж. жетекшілігімен қатысып, Түркия Республикасында ұйымдастырылған ғылыми лагерьге жолдама жеңіп алған еді. Бұл жоба 02.11.2023 ж. - 5.02. 2024 ж. аралығында өтті. Нәтижесінде студенттеріміз 27 тамыз - 1 қыркүйек аралығында Түркия Республикасының Чанаккале Онсекиз Март университетінде өткен ғылыми лагерьге Қазақстан бойынша қатысты. Ғылыми лагерьдегі координаторы Есеркепова Ж.О. болды. 

2024 жылдың 20-23 тамыз аралығында Қорғас Халықаралық шекара маңындағы ынтымақтастық орталығында Орталық Азия коммуникация мәселелері бойынша үшінші форум өтті. Форум медиа және коммуникация саласындағы өзекті мәселелерді талқылау үшін сарапшыларды, ғалымдарды және БАҚ өкілдерін жинады. Алдыңғы қатарлы ақпарат агенттіктері мен білім беру мекемелерінің қатысуымен ұйымдастырылған бұл іс-шара Орталық Азия елдері мен Қытай арасындағы диалог үшін маңызды платформаға айналды.

2024 жылдың 20 тамызында Абылай хан атындағы Қазақ халықаралық қатынастар және әлем тілдері университеті Gimcheon University (Корея Республикасы) ресми делегациясын қабылдады. Делегацияны университеттің Басқарма Төрағасы Park Ock-Soo мырза бастап, университет Ректоры Yoon Okhyun ханым да делегация құрамында болды.

16.08.2024 жылы Абылай хан атындағы ҚазҚХжәнеӘТУ-ғе Алькалы университетінің (Испания) жанындағы Франклин институтының делегациясы келді. Орталықтың директоры, профессор Хосе Антонио қатысушыларды Алькалы университетінің тарихымен және Франклин институтының қызметімен таныстырды. Франклин институтында American Studies аясында ғылыми зерттеулер, жобалар жүргізуге көп көңіл бөлінеді. Орталық директоры тарапынан ҚазХҚжәнеӘТУ-дің Халықаралық қатынастар кафедрасы профессорларының жұмысы және бірлескен жобаларды іске асыру үлкен қызығушылық тудырады. Өз кезегінде, университет басшылығы атынан, Оқу ісі жөніндегі проректор, профессор А. Т. Чакликова Абылай хан атындағы ҚазХҚжәнеӘТУ Франклин институтымен және жалпы Алькалы университетімен бірлескен ғылыми жобаларды іске асыруда ғана емес, сонымен қатар профессорлық-оқытушы құрам мен студенттердің академиялық ұтқырлығын, PhD диссертацияларды, бірлескен ғылыми жарияланымдар мен қос диплом бағдарламаларын бірлесіп басқаруды бастауға дайын екендігін білдірді.