Абылай хан атындағы Қазақ халықаралық қатынастар және әлем тілдері университетінде шетел тілдеріне қызығушылық танытып, болашақ мамандығының қыр-сырын меңгеріп қана қоймай, актерлік өнерге де ынталы, талантты да ерекше студенттер білім алуда. Соның жарқын мысалы ретінде 2024 жылдың 4 қазанындағы «Ұстаздар күнін» тойлауға арналған ұлы драматург Уильям Шекспирдің «Ромео мен Джульетта» атты трагедиясының музыкалық қойылымы болды. Спектакльді ұйымдастырушы «6В04201-Құқықтану» мамандығының 3 курс студенті Адиев Әділ. «Халықаралық қатынастар», «Аударма ісі», «Шетел филологиясы», «Екі шетел тілі мұғалімдерін даярлау», «Журналистика», «Туризм», «Шығыстану», «Менеджмент» факультеттерінде оқитын түрлі студенттердің қатысуымен кеш керемет өтті.

2024 жылғы 30 қыркүйекте Алматы қаласының Республикалық Достық үйінде Махмұд әл-Қашқаридің "Диван лұғат ат-Түрік" түркі тілдерінің алғашқы энциклопедиялық сөздігінің 950 жылдығына арналған халықаралық дөңгелек үстел өтті.

Оны ТҮРКСОЙ, БҰҰ консультативтік кеңесі, ЮНЕСКО, Алматы қ. Жігіт беші одағының қолдауымен "Тұран дунияси" түркі халықтарының мәдениет қоры ұйымдастырды.

23-27 қыркүйек аралығында Стратегиялық даму жөніндегі проректор Д.А. Кунанбаева бастаған Абылай хан атындағы ҚазХҚжәнеӘТУ делегациясы Оңтүстік Корея - Сеул және Чонджу қалаларына барды. Сапардың мақсаты Jeonbuk International Cooperation Agency ұйымдастырған Чонджу қаласындағы Қазақстан-Чонбук университеттері ректорларының Форумына қатысу болды. Форум барысында біздің университет Чонбук провинциясының жеті университетімен өзара ынтымақтастық туралы Меморандумға қол қойды. Сондай-ақ, ҚазХҚжәнеӘТУ делегациясы Jeonbuk National University, Hankuk University of Foreign Studies, Chung - Ang University, Wusook University, Jeonju National University сияқты серіктес университеттеріне барып, өзара ынтымақтастық, профессор-оқытушы құрамы мен студенттердің сыртқы және ішкі академиялық ұтқырлығы бағытындағы ынтымақтастық және бірлескен ғылыми жобаларды іске асыру мәселелерін талқылады.

2024 жылғы 27 қыркүйекте біздің университетте "Мектеп және университеттік білім беру реформасын ілгерілету жөніндегі халықаралық ынтымақтастық – Қазақстан және Жапония" атты Халықаралық симпозиум өтті.

Симпозиум Абылай хан атындағы ҚазХҚжӘТУ Шығыстану факультетінің, Қазақстанның жапонтану қауымдастығының және Васэда университетінің Гуманитарлық зерттеулер орталығының бірлескен күш-жігерімен ұйымдастырылды.

2024 жылдың 27 қыркүйегінде Абылай хан атындағы Қазақ халықаралық қатынастар және әлем тілдері университетінде Халықаралық қатынастар факультеті ҚР Ғылым және жоғары білім министрлігі Ғылым комитетінің Философия, саясаттану және дінтану институтымен бірлесіп, сондай-ақ, Мажарстаннан Будапешт университетінің делегациясымен, «Әлемдік саясаттың өзекті мәселелері» тақырыбында дөңгелек үстел өтті. Іс-шарада екі университеттер арасындағы ынтымақтастық мүмкіндіктері, сондай-ақ халықаралық қатынастардың қазіргі кезеңіндегі Қазақстан мен Венгрия арасындағы әріптестіктің келешегі талқыланды.

Қоғамдағы сыбайлас жемқорлық әрекеттеріне қарсы тұру, жолын кесу және жоюдың негізгі бағыты ретінде азаматтардың құқықтық санасы мен құқықтық мәдениетінің деңгейін арттыруға бағытталған іс-шараларды іске асыру шеңберінде 2024 жылғы 26 қыркүйекте АҚ «Абылай хан атындағы Қазақ халықаралық қатынастар және әлем тілдері университетінің» «Халықаралық құқық» кафедрасының ұйымдастыруымен Алматы қаласы Қоғамдық даму басқармасы және «Парасатты ұрпақ үшін» қоғамдық қорының қолдауымен «Алматы – адалдық алаңы» жобасын жүзеге асыру аясында «Құқықтық мәдениет қоғамдағы сыбайлас жемқорлықты барынша азайтудың басты шарты» тақырыбында семинар-конференция өтті.

2024 жылдың 25 қыркүйегінде Сауд Арабиясының Король Салман атындағы Халықаралық араб тілі академиясының Бас хатшысы Alwashmi Abdullah, Халықаралық ынтымақтастық департаментінің директоры Khudair Alauddin; Стратегиялық және құрылымдық жоспарлау департаментінің директоры Althunayan Sultan; Құжаттама және мұрағат бөлімінің директоры Bin Hadbaa Abdulmajeed ресми сапармен Абылай хан атындағы ҚазХҚжӘТУ-ге келді.

25.09.2024 жылы педагогика ғылымдарының құрметті докторы Чо Гю Юн Шығыстану факультетінің «Шетел филологиясы», «Аударма ісі», «Шығыстану» білім беру бағдарламалары бойынша корей бөлімінің 1-4 курс студенттеріне арнайы дәріс өткізді.

Тұтынушылардың құқықтары мен заңды мүдделерін қорғаудың құқықтық және әлеуметтік негіздерін қамтамасыз етуге бағытталған шараларды жүзеге асыру мақсатында 2024 жылғы 24 қыркүйекте АҚ «Абылай хан атындағы Қазақ халықаралық қатынастар және әлем тілдері университетінің» Халықаралық құқық кафедрасы халықаралық «ЖАНАШЫР» қоғамдық қорының қолдауымен «6В04202 Халықаралық құқық» Білім беру бағдарламасы оқытушылары мен студенттеріне «Тұтынушылардың құқықтарын қорғау саласында азаматтарды оқыту және ағарту» тақырыбында мастер-класс өткізді.

Абылайхан атындағы ҚазХҚжәнеӘТ университетінің Халықаралық бизнес кафедрасы 2024 жылдың 2 қыркүйек 15 желтоқсан аралығында  бакалавриат студеттерін «Бизнес-басқару» майнері бойынша («Жобаларды басқару» және «Бизнес-жоспарлау» пәндері) оқытады. Пәнді бизнес-жаттықтырушы, Жобалық менеджерлер Одағының директоры,IPMA Level C Есенжан Аида жүргізеді.