2026 жылдың 20 ақпанында Халықаралық құқық кафедрасы, Алматы қаласы колледждерінің түлектері арасында "Құқықтық марафоны" бойынша II қалалық Олимпиаданы сәтті өткізді.
Іс-шара құқықты терең зерттеуге және кәсіби заңгерлік мансап құруға мүдделі талантты және ынталы студенттерді біріктірді. Олимпиаданы өткізудің негізгі мақсаты құқықтану саласында берік білімді, құқықтық мәдениеттің жоғары деңгейі, дамыған құқықтық ойлау мен сауаттылығы бар неғұрлым дарынды және академиялық тұрғыдан дайындалған түлектерді анықтау және қолдау үшін қолайлы жағдайлар қалыптастыру болды. Олимпиада олардың одан әрі интеллектуалды өсуіне, кәсіби бағдарлануына және болашақ мамандықты саналы түрде таңдауына ықпал етуге арналды.
Зияткерлік сайысқа "Тұран" колледжінің, Әл-Фараби атындағы ҚазҰУ колледжі, Халықаралық бизнес және коммуникация колледжі, Заң колледжі және "Нархоз"колледжінің түлектері қатысты. Барлық қатысушылар жоғары дайындық деңгейін, қызығушылығын және кәсіби дамуға ұмтылысын көрсетті.
Олимпиада бағдарламасы аясында қатысушылар үшін мамандандырылған аудиториялар бойынша экскурсия ұйымдастырылды, онда тәжірибеге бағытталған сабақтар өтеді. Криминалистикалық зертхана ерекше студенттер тарапынан ерекше қызығушылық тудырды, онда студенттер дәлелдемелерді бекіту және зерттеу, трасологиялық және қолжазба сараптамаларын жүргізу, сондай-ақ заттай дәлелдемелерді талдау бойынша практикалық дағдыларды үйренеді. Сондай-ақ қатысушыларға модельдік сот процестерін жүргізу және сот риторикасы мен іс жүргізу мәдениеті дағдыларын қалыптастыру үшін нақты жағдайлар жасайтын заманауи оқу алаңы болып табылатын сот отырысы залы көрсетілді.
Олимпиада екі турдан тұрды. Олимпиаданың бірінші кезеңі азаматтық және қылмыстық құқық негіздері бойынша тестілеуден өтті. Қатысушылардың теориялық дайындық деңгейін объективті бағалауға мүмкіндік берді. Екінші тур кейс форматында ұсынылды. Имитациялық құқықтық жағдайды шешуге, содан кейін ұсынылған құқықтық шешімді ауызша баяндауға және негіздеуге бағытталды. Аталған кезеңде қатысушылар заңды ұғымдармен еркін жұмыс істей білуді, істің мән-жайларын талдай білуді, оқиғалардың ықтимал дамуын болжай білуді, құқықтық шешімнің балама нұсқаларын ұсына білуді және өз ұстанымдарын дәлелді түрде қорғай білуді көрсетті.
Екі турдың қорытындысы бойынша қатысушылар берік теориялық білімдерін, дамыған аналитикалық дағдыларын және қалыптасқан кәсіби құзыреттерін көрсетті. Барлық қатысушыларға қатысу сертификаттары, ал жүлдегерлер I, II және III дәрежелі дипломдармен және естелік сыйлықтармен марапатталды. Бастамашылық, өзіндік ойлау және кәсіби коммуникацияның жоғары мәдениетін көрсеткен қатысушылар келесі номинациялар бойынша арнайы сертификаттармен марапатталды:" Үздік құқық білгірі," істі шешудегі ең креативті тәсіл"," үздік шешен"," үздік сендіру шебері","үздік заңгер".номинацияларымен марапатталды.
Жалпы, олимпиада жоғары ұйымдастырушылық және мазмұнды деңгейде, зияткерлік бәсекелестік, академиялық ізгі ниет және өзара құрмет жағдайында өтті. "Құқықтық марафоныды" өткізу құқықтық сауаттылықты, практикалық дағдыларды және жас мамандардың саналы кәсіби таңдауын дамытуға ықпал ете отырып, осындай бастамалардың өзектілігін және олардың болашақ кәсіби заң қоғамдастығын қалыптастырудағы маңызды рөлін тағы да растады.
.png)
