Шетелдік студенттерге арналған университеттің визалық қолдауы — бұл оқу елінде заңды мәртебені рәсімдеуге және сақтауға көмектесу мақсатында жоғары оқу орны шетел азаматтарына ұсынатын қызметтер кешені.
Абылай хан атындағы ҚазХҚжәнеӘТУ Халықаралық бөлімі келесі жұмыстарды жүзеге асырады:
- Шақыру хаттары мен визалық құжаттарды рәсімдеу
Университет сіздің еліңіздің консулдығында/елшілігінде студенттік виза алу үшін қажетті ресми шақыруларды (LOI немесе Letter of Invitation) дайындайды.
- Визалық режим мен талаптар бойынша кеңес беру
Виза алу үшін қандай құжаттар қажет екені, рәсімдеу мерзімі, сондай-ақ оқу еліндегі қолданыстағы талаптар мен ережелер туралы толық ақпарат беріледі.
- Тіркеу және көші-қон есебіне қоюға көмек көрсету
Студент елге келгеннен кейін университет оны көші-қон есебіне қоюға, тұрғылықты жері бойынша тіркеуге және жергілікті талаптардың сақталуын бақылауға көмектеседі (мысалы, тіркеу мерзімін уақтылы ұзарту).
- Визаны немесе уақытша тұруға рұқсатты (УТР) ұзартуға қолдау көрсету
Егер студенттің визасының мерзімі оқу аяқталғанға дейін аяқталған жағдайда, университет оны ұзарту немесе уақытша тұруға рұқсат алу процесіне сүйемелдеу жасайды (егер қарастырылған болса).
- Төтенше жағдайларда көмек көрсету
Құжаттардың жоғалуы, визаны шұғыл ұзарту қажеттілігі, көші-қон заңнамасындағы өзгерістерге байланысты кеңес беру және т.б. жағдайларында қолдау көрсетіледі.
- Шетел азаматтарының елде болуына қатысты заңнама және студенттердің міндеттері туралы ақпараттық қолдау
Виза, көші-қон және бейімделу мәселелері бойынша таныстыру кездесулері мен нұсқамалар өткізіледі. Сондай-ақ басқа да әкімшілік рәсімдер бойынша көмек көрсетіледі (мысалы, сақтандыру рәсімдеу, банктік шот ашу, ЖСН/ сәйкестендіру нөмірін алу).
.png)
