2026 жылғы 25 ақпанда Алматы қаласында Қазақстан Республикасы Президентінің жанындағы Ұлттық ғылым академиясының 80 жылдығын мерекелеу аясында Халықаралық қатынастар орталығының салтанатты ашылуы өтті, оған профессорлық-оқытушылар құрамы, аспиранттар мен докторанттар қатысты.
Халықаралық қатынастар орталығының ашылу салтанаты аясында «Орталық Азия мұрасы» кітаптар сериясының тұсаукесері өтті.
Іс-шара «Ғылым ордасы» ғимаратында өтті және академиялық қоғамдастықтың, жоғары оқу орындарының басшыларының, ғалымдар мен жас зерттеушілердің басын қосты. «Халықаралық қатынастар» орталығын құру Қазақстандағы халықаралық қатынастар саласында тұрақты ғылыми-зерттеу ортасын қалыптастыруға бағытталған.
Орталықтың негізгі міндеті – Қазақстан Республикасының стратегиялық мүдделерін ескере отырып, жаһандық және өңірлік саяси-экономикалық және әлеуметтік-мәдени процестер бойынша форсайттық және сценарийлік зерттеулер жүргізу, сондай-ақ мемлекеттік органдар мен сараптамалық қоғамдастық үшін практикалық ұсыныстар әзірлеу. Болашақта орталық халықаралық ғылыми ынтымақтастықты дамыту және ғылыми дипломатияны ілгерілету алаңына айналады.
Іс-шара барысында Орталық Азия елдерінің өңірлік дамуы, интеграциялық үдерістер және стратегиялық басымдықтарына арналған «Орталық Азия Мұраты» кітап сериясының тұсаукесері өтті.
Кездесуге еліміздің жетекші жоғары оқу орындарының өкілдері, сондай-ақ халықаралық қатынастар саласындағы ғылыми зерттеулерді дамытуға қызығушылық танытқан магистранттар мен докторанттар қатысты.
Бұл іс-шара Қазақстанның ғылыми әлеуетін нығайтуға және халықаралық қатынастар мен өңірлік қауіпсіздіктің өзекті мәселелері бойынша сараптамалық диалогты дамытуға маңызды қадам болды.
.png)
