«Заң мен Тәртіп» идеологемасын жүзеге асыру аясында 2026 жылғы 28–29 наурыз күндері Абылай хан атындағы Қазақ халықаралық қатынастар және әлем тілдері университетінде «Қауіпсіздік және бітімгерлік» тақырыбында қалалық дебат турнирі өтті.
Іс-шараның ұйымдастырушысы – Абылай хан атындағы ҚазХҚжӘТУ жанындағы Pantheon дебат клубы. Турнир студенттердің сыни ойлау қабілетін, шешендік өнерін дамытуға және халықаралық қауіпсіздік пен жаһандық бітімгерлік мәселелеріне қызығушылығын арттыруға бағытталды.
Дебатқа Алматы қаласының жетекші жоғары оқу орындарының командалары қатысты, олардың қатарында Satbayev University, Suleyman Demirel University (SDU), Қазақстан-Британ техникалық университеті (KBTU), NARXOZ университеті және «Тұран» университеті бар. Қатысушылар халықаралық қауіпсіздік саласындағы заманауи сын-қатерлерді, мемлекеттер мен халықаралық ұйымдардың бейбітшілікті қамтамасыз етудегі рөлін, сондай-ақ қақтығыстардың алдын алу жолдарын талқылай отырып, жоғары деңгейдегі дайындықтарын, дәлелдеу шеберлігін және аналитикалық ойлау қабілеттерін көрсетті.
Екі күн бойы командалар күрделі әрі өзекті мәселелер бойынша өз ұстанымдарын қорғап, интеллектуалдық раундтарда бақ сынасты. Турнир пікір алмасуға, белсенді азаматтық ұстанымды қалыптастыруға және жоғары оқу орындары арасындағы ынтымақтастықты нығайтуға тиімді алаң болды.
Турнир қорытындысы бойынша жеңімпаздар мен жүлдегерлер анықталып, дипломдармен және естелік сыйлықтармен марапатталды. Негізгі финалдың жеңімпаздары – Диас Сайфулла (Әл-Фараби атындағы ҚазҰУ) және Владислав Куличенко (МУИТ) құрамындағы команда болды.
Жас финалдың жеңімпаздары – Келман Мирас (Satbayev University) және Ли Лина («Тұран» университеті) құрамындағы команда. Барлық қатысушылар көпшілік алдында сөйлеу және дәлелді пікірталас жүргізу бойынша құнды тәжірибе жинақтады.
Осындай іс-шараларды өткізу жастар арасында құқықтық мәдениетті, жауапкершілікті және заң мен тәртіп қағидаттарына құрметті қалыптастыруға ықпал етеді, бұл «Заң мен Тәртіп» идеологемасын жүзеге асырудың маңызды бөлігі болып табылады.
.png)
