2026 жылдың 30 сәуірінде « Бос орындар жәрмеңкесі – 2026» Абылай хан атындағы Қазақ халықаралық қатынастар және әлем тілдері университетінде ұйымдастырылды, шара Практика және жұмысқа орналастыру орталығының тарапынан ұйымдастырылды. Іс-шараның мақсаты студенттердің жұмысқа орналасуына көмектесу, түлектер мен жұмыс берушілер арасында байланыс орнату және еңбек нарығындағы тенденцияларды талқылау болды.
Іс-шараға мемлекеттік, банктік, білім беру, құқықтық, туристік және бизнес секторларын қамтитын 100-ге жуық жұмыс беруші қатысты. Ярмаркаға қатысқан компаниялар мен ұйымдардың қатарында Қытай-ШОС пилоттық аймағының Бизнес орталығы, «ШОС-Циндао Холдингі Алматы» ЖШС, GANYUAN FOODS CO. LTD. Қазақстан Республикасында, OPPO, China Eastern Airlines, ICBC, «Signum Law Firm» ЖШС, «Postfactum Law» ЖШС, Air Astana, «Алматы халықаралық әуежайы» АҚ, Partner Finance, Қазақстан маркетинг ассоциациясы, Қалалық карьера орталығы, Crown Star, Туран ТВ, «Банк ЦентрКредит» АҚ, Holiday Inn отелі және басқа да ұйымдар болды.
Іс-шара Оқу бөлімі бойынша проректор, міндетін атқарушы Кулипа Байсултанова және Оқу басқармасының басшысы Айткенже Мергембаева құттықтау сөздерімен ашылды. Өз сөздерінде олар ярмаркаға қатысушыларға алғыс айтып, мұндай іс-шаралардың студенттер үшін жұмысқа орналасу мен кәсіби дамуға ықпал ететін маңыздылығын атап өтті. Қытай тарапынан Конфуций Институтының деканы Ян Кунь да қатысушыларға алғыс білдірді. Қытай кәсіпкерлері ассоциациясының вице-президенті Бай Минь құттықтау сөзінде студенттерге халықаралық сауда және бизнес саласындағы мүмкіндіктер туралы айтып, қытай-қазақстандық компаниялардағы мансаптық өсу перспективаларына тоқталып, халықаралық бизнес саласында сәтті мансап жасау үшін тіл дағдылары мен мәдениетаралық дағдылардың маңыздылығын атап өтті.
Жоғары курс студенттері экспресс-сұхбаттарға қатысып, жұмыс вакансиялары, жұмыс шарттары мен тағылымдамалар туралы толық ақпарат алды. Сандық рекрутингтің өсуіне қарамастан, компания өкілдерімен жеке сөйлесу байланыс орнату және түйіндеме тапсырудың тиімді әдісі болып қала береді.
Мастер-класстар мен тренингтер барысында қатысушылар түйіндеме жазу және сұхбатқа дайындық дағдыларын жетілдірді. Бұл іс-шаралар студенттерге жұмыс берушілердің талаптарын жақсырақ түсінуге және еңбек нарығында бәсекеге қабілеттіліктерін арттыруға көмектесті.
Бос орындар жәрмеңкесі студенттерге жұмыс берушілермен тікелей байланыс орнатып, ашық вакансияларды талқылауға бірегей мүмкіндік берді. Іс-шара барысында қалалық полиция департаменттерінің өкілі құқық қорғау органдарындағы вакансиялар, кандидаттар талаптары мен жұмыс шарттары туралы ақпарат беріп, полицияда қызмет етудің қоғамдағы қауіпсіздік пен тәртіпті қамтамасыз етудің маңызды бөлігі екенін атап өтті. Кейін Нем Людмила Partner FIN компаниясынан қаржы секторындағы мансаптық мүмкіндіктер туралы айтып, аналитикалық дағдылар мен клиенттермен жұмыс істеудің маңыздылығын атап өтті. Ақарыс Төребеков Ерниязұлы, Қалалық мансап орталығының басшысы студенттерге жұмыс табуға көмектесетін бағдарламалар мен ресурстар туралы мәлімет беріп, мансапты бастау үшін стажировкалардың маңыздылығын атап өтті. Қартқожа Шынгыс Қайратұлы Алматы қалалық адвокаттар алақасының құқық саласындағы мансаптық мүмкіндіктер туралы айтып, кәсіби дайындық пен мамандану маңыздылығын атап өтті. Соңында Галиева Асель Темировна түйіндеме жазу бойынша мастер-класс өткізді, тәжірибе мен дағдыларды дұрыс көрсету маңыздылығын атап өтті. Бұл іс-шаралар сұхбаттарға маңызды қосымша болып, студенттерге еңбек нарығында бәсекеге қабілеттіліктерін арттыруға көмектесті.
Өткізілген Бос орындар жәрмеңкесі студенттер үшін жұмысқа орналасу мүмкіндіктері мен шарттарын талқылауға, сондай-ақ мансаптық өсу үшін маңызды дағдыларды меңгеруге мүмкіндік беретін тиімді алаңға айналды.
.png)
