Отзыв/Предложение: Дүйсен Ғ.М.

• ТАӘ / ФИО
  Дүйсен Ғ.М.
• Мамандық ББ атауы / Название ОП специальности
  «Шығыстану» білім беру бағдарламасы
• Ұсыныс \ Пікір Предложение\Отзыв
  Р.Б. Сүлейменов атындағы Шығыстану институты директорының орынбасары, э.ғ.д., доцент Дүйсен Ғ.М.
  
  Абылай хан атындағы Қазақ халықаралық қатынастар және әлем тілдері университетінің 6В02201 – «Шығыстану» білім беру бағдарламасы қазіргі еңбек нарығының және халықаралық ынтымақтастық саласының талаптарына толық сәйкес келеді. 6В02201 – «Шығыстану» білім беру бағдарламасы Шығыс елдері мен аймақтарын кешенді түрде зерделеуге бағытталған және студенттерге олардың тарихи, саяси, әлеуметтік-экономикалық және мәдени ерекшеліктерін терең түсінуге мүмкіндік береді. Бағдарлама шығыстану ғылымының негізгі бағыттарын қамтып, аймақтық процестерді ғылыми тұрғыда талдауға қажетті теориялық білімді қалыптастырады.
  Абылай хан атындағы ҚазХҚжӘТУ 6В02201 – «Шығыстану» білім беру бағдарламасы аясында білім алушылар тек теориялық дайындықтан өтіп қана қоймай, сонымен қатар талдау жасау, дереккөздермен жұмыс істеу, шығыс тілдеріндегі мәтіндерді интерпретациялау және мәдениетаралық коммуникация дағдыларын меңгереді. Бұл студенттердің кәсіби және академиялық әлеуетін арттыруға бағытталған.
  Білім беру бағдарламасының маңызды артықшылықтарының бірі – ғылыми-зерттеу жұмысына ерте кезеңнен тарту, әдіснамалық дайындықтың жоғары деңгейі және шетелдік университеттерге академиялық ұтқырлық пен ғылыми іс-шараларға белсенді қатысу мүмкіндіктері. Бұл болашақ шығыстанушылардың ғылыми ой-өрісін кеңейтіп, кәсіби дамуына негіз қалайды.
  6В02201 – «Шығыстану» білім беру бағдарламасының түлектері Шығыс елдерінің саяси, әлеуметтік-экономикалық және мәдени үдерістерін терең түсінеді, аналитикалық ойлау қабілетіне ие және шетел тілдеріндегі материалдармен тиімді жұмыс істей алады. Бұл бағдарлама түлектерінің кәсіби ортада тез бейімделуіне және халықаралық бағыттағы ұйымдарда табысты қызмет атқаруына мүмкіндік береді.