📌24.02.2023 біздің университетке Васеда университетінің (Жапония) профессорлары мен студенттері келді. Делегация мәдени алмасу және университеттер арасында байланыс орнату үшін келді. Студенттер мен оқытушылар Жапонияның дәстүрлері мен мәдениеті туралы айтып іс-шаралар өткізеді, сондай-ақ ұлттық тағамдар дайындайды !

23.02.2023 ж. Абылай хан атындағы ҚазХҚжӘТУ-де "Журналистика" және "Қоғаммен байланыс" білім бағдарламасы магистранттары үшін «Openness and the Internet: What is it and why we should care about it» тақырыбында қонақ дәріс өтті. Спикер ретінде Ұлттық Ғылым академиясының Ұлттық зерттеу кеңесінің зерттеу деректері және ақпарат кеңесінің мүшесі Элиотт​ Максуэлл (АҚШ) мырза сөз сөйледі.
Максуэлл мырзаның тәжірибесі әрбір жас зерттеуші үшін маңызды және дәріс тақырыбын талқылауға барлық магистранттар белсенді қатысқанын атап өткен жөн.

2023 жылдың 9-10 ақпанында Халықаралық қатынастар факультетте Қазақстан Республикасының Төтенше және Өкілетті Елшісі Смағұлов Ағыбай Дынкенұлының «Халықаралық қатынастар» және «Аймақтану» мамандығының студенттеріне қонақтық лекциясы өтті.

2023 жылдың 9 ақпанында  Абылай хан атындағы Қазақ Халықаралық Қатынастары және Әлем Тілдері Университетінде студенттер арасында 22-ші жыл сайынғы "Қытай тілі көпірі" Дүниежүзілік байқауының іріктеу жарысы өтті. Бұл байқауды Қытай Халық Республикасының Алматы қаласындағы Бас консулдығы, Абылай хан атындағы ҚазХҚ және ӘТУ-нің Конфуций институты мен шығыстану факултеті ұйымдастырды.

📌8.02.2023 жылы Халықаралық экономика және құқық факультеті және менеджмент және халықаралық коммуникациялар факультеттерінің студенттері үшін "франчайзингтік брендтің сиқыры" тақырыбында қонақ дәріс өтті!
📌Еуразиялық франчайзинг қауымдастығының президенті Кисиков Бекнұр Сейтжанұлы спикер болды.

Мәдени-білім беру саласындағы ынтымақтастық мақсатында 2023 жылдың 15-20 қаңтары аралығында шығыстану факультетінің студенттері Васеда Университетінде болып қайтты. Бұл іс-шара студенттердің 2021 жылдың қазан-қараша айлары аралығында Қазақстанның тәжірибесін пайдалана отырып, жапондық Минано ауылын қайта жаңғырту туралы онлайн форумға қатысуының арқасында мүмкін болды. Васеда Университетінің Sakura Science орталығының қаржыландыруы негізінде форумға қатысушылар арасында Жапонияға, нақтырақ айтқанда Минаноға толықтай тегін апталық сапарға іріктеу өткізілді. Нақты алғанда 14 қатысушыға арналған 10 орын тағайындалған. Іріктеу студенттердің жазған және оқыған сакубундарын (эссе) бағалау тұрғысында өткен болатын.

2022 жылдың желтоқсан айының соңында халықаралық қатынастар білім беру бағдарламасының 3 курс докторанттары Бұғытаева Самал мен Даулетова Гауһардың шетелдік ғылыми тағылымдамасы аяқталды. Тағылымдамадан өту мерзімі: 2022 жылдың 21 қарашасынан 22 желтоқсанға дейін. Шетелдік жетекші университеттердің немесе ғылыми орталықтардың бірінде ғылыми тағылымдамадан өту докторанттардың ғылыми-зерттеу жұмыстарының міндетті құрамдас бөлігі болып табылады. Самал Қуатқызы Джордж Вашингтон университетінде (GWU – George Washington University), Вашингтон, АҚШ және Гаухар Орынбасарқызы CEU San Pablo университетінде (Universidad CEU San Pablo), Мадрид, Испанияда тағылымдамадан өтті. Докторантура Шығыс елдерімен байланысты. Сонымен, Бугытаева Самал Қытай мен АҚШ-тың сыртқы саясатындағы Оңтүстік Кореяны трансформацияланатын халықаралық жүйе контекстінде зерттесе, Даулетова Гауһар халықаралық жобаларды мемлекетаралық ынтымақтастық пен өзара әрекеттесудің заманауи құралдары ретінде зерттейді.

Міне, тура бір семестр бойы UPNVJ университетінің (Индонезия) студенттері Абылай хан атындағы ҚазХҚжӘТУ базасында онлайн дәрістер форматында халықаралық қатынастардың негіздері мен заманауи мәселелерін меңгеруде.

18 желтоқсан – Халықаралық араб тілі күніне орай 2022 жылдың 12 желтоқсанында  Абылай хан атындағы Қазақ халықаралық қатынастар және әлем тілдері университетінің «Шетел филологиясы (шығыс тілдері)» және «Шығыстану» білім беру бағдарламалары бойынша білім алып жатқан араб тілін оқитын 2-4 курс студенттері мен оқытушылар Нұр-Мүбарак Египет ислам мәдениеті университетінде араб халқының мәдениеті мен салт-дәстүрлерімен таныстыру мақсатында ұйымдастырылған  іс-шараға қатысты.  Іс-шарада  Біріккен Араб Республикасы университетінің Халықаралық мәдени дипломатия институтының директоры, доктор Мухаммад Камал әл-Моаини, Мысыр Араб Республикасының уақфтар министрі Мухаммад Мухтар Джумга мен Мысыр жоғары оқу орнының жетекші ғалымдары мен ұстаздары, филологтар, тарихшылар, мәдениеттанушылар және бұқаралық ақпарат өкілдері болды.    

5 желтоқсанда Халықаралық құқық кафедрасы «Менеджмент және халықаралық коммуникациялар» факультетінің студенттерімен «Тұрмыстық зорлық-зомбылықтың алдын алу мәселелері» тақырыбында конак дәрiciн өткізді.
Дәріс мақсаты: Студенттерге құқықтық тәрбие беруді жалғастыру, оларға тұрмыстық зорлық-зомбылық түсінігін, оның алдын алу мүмкіндіктерін, зорлық-зомбылық құрбанын қорғайтын заңдылықтарды жеткізу, бір-біріне деген жақсы қарым-қатынасқа, жанашырлыққа, ізгі ниет, төзімділікке тарбиелеу.

Факультет ПОҚ-ы студенттердің ғылыми-зерттеу жұмыстарын белсенді жүзеге асырады, оның нәтижесі олардың конференциядағы жарияланымдары мен баяндамалары болып табылады.

2022 жылғы 2 желтоқсанда Менеджмент және халықаралық коммуникациялар факультетінде «Демонополязациялау жағдайындағы туризм менеджменті және халықаралық коммуникациялардың дамуын транформациялау» тақырыбында халықаралық ғылыми-практикалық конференция өтті.

Кәсіби аймақтану кафедрасыныңқауымдастырылған профессоры Шукыжанова А.Н. Абай атындағы Қазақ мемлекеттік академиялықопера және балет театрына 2 актілі «ЮНОНА ЖӘНЕ АВОСЬ» ырғақты-рок-балетіне 2 курс студенттерімен барды. 

2022 жылдың 26 ​​қарашасында Астана қаласында «Білім-өркениети» Ұлттық инновациялық ғылыми-зерттеу орталығы мен «Үздік студенттер академиясының» ұйымдастыруымен «Қазақстан Республикасының үздік студенті-2022» халықаралық байқауы өтті.

23-24 қарашада біздің университетіміздің қабырғасында БҰҰ моделінің жыл сайынғы халықаралық конференциясы өтті. Ашылу салтанатында БҰҰ Жаһандық Коммуникациялар Департаментінің өкілі - Властимил Самек, АҚШ Бас Консулдығының Баспасөз, Мәдениет және Білім Мәселелері Жөніндегі Кеңесшісінің Орынбасары - Чад Киннер, Алматы қаласы ҚР СІМ Өкілдігінің Басшысы - Бөлегенов Бақытжан Ерғалиұлы сөз сөйледі.

2022 жылдың 17 қарашасында Халықаралық құқық және экономика факультеті университеттің жастар жөніндегі комитетімен бірлесіп Халықаралық студенттер күніне арналған іс-шара, концерт ұйымдастырды.

16 қараша күні Абылай хан атындағы Қазақ Халықаралық Қатынастар және Әлем Тілдері университетінде “Халықаралық коммуникация” кафедрасының ұйымдастырумен “Фотожурналистика” тақырыбында шеберлік сабағы өтті. Аталмыш сабақты Әль-Фараби атындағы Қазақ Ұлттық университетінің оқытушысы фотожурналист, «Фотоөнер» қоғамдық бірлестігінің төрағасы Асылхан Әбдірайымұлы жүргізіп, өз білімімен бөлісті.

Біздің университет EURHODIP туризм және қонақжайлылық менеджменті бойынша мамандар дайындайтын жоғары оқу орындарының халықаралық қауымдастығының толыққанды мүшесі болып табылады. Бұл ұйымның бас кеңсесі Бельгиядағы Брюссель қаласында орналасқан.

«Ғылым апталығы» аясында «Халықаралық құқық» кафедрасы 2022 жылдың 14 қарашасында «6В04201-Құқықтану» және «6В04202-Халықаралық құқық» мамандығы бойынша 3-4 курс студенттері арасында ЖОО ішіаралық олимпиада өткізді. Қазылар алқасының мүшелері арасында з.ғ.д., профессор Мұсабеков Е.А., з.ғ.д., профессор Ахметов Б.И.  және заң ғылымдарының магистрі Сыздықова А.А.

Республика күнін және Қазақстан Республикасы мен Қытай Халық Республикасы арасындағы дипломатиялық қарым-қатынастың орнағанына 30 жыл толуына орай 3 қараша күні Шығыстану кафедрасы «Қытайтану негіздері» атты елтану сайысын өткізді.

Халықаралық құқық кафедрасы 27 қазанда 2022 жылғы Қазақстан Республика күніне арналған "Қазақстан Республикасындағы конституциялық реформа: даму үрдістері мен перспективалары" атты дөңгелек үстел өткізді.