2024 жылғы 25 маусымда Қытай Халық Республикасына сапары аясында Абылай хан атындағы ҚазХҚ және ӘТУ Шихэцзы университетімен ынтымақтастық туралы меморандумға қол қойды. Осы Меморандум аясында Шихэцзы университетінің студенттеріне ҚазХҚжәнеӘТУ базасында қазақ тілі оқытылады. Сондай-ақ, «Халықаралық қатынастар» БББ бойынша PhD докторларын бірлесіп оқыту, бірлескен ғылыми жобаларды жүзеге асыру және университеттердің студенттері мен оқытушыларымен алмасу жоспарлануда. Шақыру үшін Шихэцзы университетіне алғысымызды білдіреміз!

10-30 маусым аралығында Абылай хан атындағы ҚазХҚжәнеӘТУ базасында серіктес университеттер Lyon Lumiere University және Bordeaux Montaigne University (Франция Республикасы) студенттеріне арналған жазғы мектеп басталды! Жазғы мектепке 20 тыңдаушы орыс тілін тереңдете оқыту сабақтарына, аймағымыздың және жалпы еліміздің тарихы мен мәдениетінің байлығын көрсететін көптеген қызықты экскурсиялардан тұратын бай бағдарламаға белсене қатысуда. Жазғы мектеп оқушыларына тіл меңгеру сабақтарын университеттің жетекші профессорлары жүргізетінін, ал бағдарламаның экскурсиялық бөлігін Қазақстан Республикасының тарих, мәдениет және әлеуметтік-экономикалық дамудан қызықты және маңызды оқиғалар мен фактілермен қамтамасыз ететін кәсіби гидтер жүргізетінін ерекше атап өту қажет.

2024 жылдың 12 маусымында Ablai Khan University Түркия және Қазақстан университеттерінің III SILK ROAD халықаралық білім көрмесіне қатысты.

Көрме Түркияның 15 және Қазақстанның 15 жетекші университетін қамтыды. Көрменің ашылу салтанатында Түркия Республикасының Қазақстан Республикасындағы Бас консулы Эврен Мудеррисоглу мен Түркия Бас консулдығының білім беру атташесі Айхан Коркмаз сөз сөйлеп, білім саласындағы екіжақты қарым-қатынастарды одан әрі нығайту қажеттігіне назар аударды.

2024 ж. 8 маусымында Kt&g корей тілі Академиясының ұйымдастыруымен «Корей тілінен ораторлық шеберлік» конкурсы болып өтті. Бұл конкурсқа Абылай хан атындағы ҚазХҚжӘТУ-дің Шығыстану факультетінен де корей тілі бойынша студенттеріміз қатысқан болатын. 

07.06.2024 жылы Абылай хан атындағы ҚазХҚжӘТУ-yе Францияның Қазақстан Республикасындағы Төтенше және Өкілетті елшісі, мәртебелі Дидье Канесс мырза ресми сапармен келді. Кездесу аясында Басқарма Төрағасы-Ректор Салима Сағиқызы Құнанбаева мен Дидье Канесс мырза білім беру саласындағы бірқатар маңызды мәселелерді, сондай-ақ француз тілі мамандарын даярлау саласындағы ынтымақтастықты талқылады.

2024 жылдың 30-31 мамыр күндері Алматы қаласында жыл сайынғы екі күндік XV Орталық Азиялық InternetCA-2024 форумы өтті. Форумға «Халықаралық MediaNet журналистика орталығы» қоғамдық қорының шақыруымен «Журналистика» 3 курс және «Қоғаммен байланыс» 2 курс оқу бағдарламаларының студенттері, сонымен қатар Абылай хан атындағы Қазақ халықаралық қатынастар және әлем тілдері университетінің халықаралық коммуникациялар кафедрасының профессорлық-оқытушылық құрамы қатысты.

2023 жылдың 30 мамырда Абылай хан атындағы ҚазҰМУ-да 3-4 курс студенттеріне арналған жыл сайынғы "Бос орындар жәрмеңкесі-2024" өтті. Жәрмеңкенің ұйымдастырушысы оқу басқармасының тәжірибе және жұмысқа орналастыру орталығы болып табылады. Бос жұмыс орындары жәрмеңкесі болашақ түлектерді жұмыс берушілердің қызметі және олардың бос жұмыс орындары туралы ақпараттандырады.

2024 жылдың 30 мамырында Абылай хан атындағы ҚазХҚжӘТУ-те Шет тілдер педагогикалық факультеттің ұйымдастырумен “Шет тілді білім беруде педагогикалық кадрларын даярлаудың заманауи мәселелері мен перспективалары" тақырыбында дөңгелек үстел өтті. Дөңгелек үстел шет тілді білім берудің педагогикалық кадрларын даярлау бойынша жұмыс берушілер ретінде біздің ЖОО мен мектептер арасындағы ынтымақтастықты кеңейту шеңберінде өткізілді.

2024 жылдың 29-30 мамыр күндері Астана қаласындағы Л.Н.Гумилев атындағы Еуразия ұлттық университетінің ұйымдастыруымен «Шетел филологиясы: қытай тілі» — мамандығы бойынша студенттер арасында XVI Республикалық пәндік олимпиада өткізілді. Олимпиадаға Е. А. Букетов атындағы Қарағанды университеті, Абылай Хан атындағы ҚазХҚжӘТУ, Л.Н.Гумилев атындағы Еуразия ұлттық университеті сынды оқу орындарынан 15 студент қатысты. Университетіміздің атынан магистр, аға оқытушы Меллат Дилнардың жетекшілігімен Шығыстану факультеті, «Шетел филологиясы» білім беру бағдарламасының 4 курс студенті Аманжолова Аяжан қатысты. 1 турда жоғары нәтиже көрсетіп, 2 турда ғылыми жоба қорғады. Нәтижесінде, Қазақстан Республикасы Жоғары білім және ғылым министрлігінің ll дәрежелі дипломымен мараппатталып, 2 орынға ие болды.

Ағымдағы жылы Менеджмент және халықаралық коммуникациялар факультеті Түркияда орналасқан ASA HRM консалтингтік және рекрутингтік агенттігімен «6В11101 туризм» және «6В11102 мейрамхана ісі және мейманхана бизнесі» білім беру бағдарламалары студенттерінің шетелдік тағылымдамасын жоспарлау және ұйымдастыру бойынша ынтымақтастықтың 10 жылдығын атап өтеді. ASA HRM компаниясы 15 жылдан астам уақыт бойы туризм және қонақжайлылық саласындағы персоналды жаһандық іріктеуге мен консалтингтік қызметтерге маманданған Түркиядағы жетекші кадрлық компаниялардың бірі болып табылады. Түркияда орналасқан бас офистерден басқа, компанияның Германия, Украина, Болгария, Қазақстан және Қырғызстанда филиалдары бар және көпұлтты құрылымның арқасында 50-ден астам елде тармақталған желісі бар.