2023 жылдың 7-14 қаңтар аралығында Сауд Арабиясы Корольдігі король Салманның Халықаралық араб тілі академиясының шақыруымен Абылай хан атындағы ҚазХҚжӘТУ Шығыстану факультетінің араб тілі оқытушылары ф.ғ.к., профессор Есенжан Д. Ә., ф.ғ.к., доцент Кожабекова Ш.Б., магистр Аманжол С.Т., магистр Тубажанов Е.М. «Араб тілін оқытудың әлемдік тәжірибесі: тарихы, қазіргі жағдайы, болашағы» тақырыбындағы халықаралық форумға қатысып, баяндама жасады. Оқытушылар семинарға белсенді қатысып, араб тілін оқыту тәжірибесімен бөлісті. Доцент Кожабекова Шолпан Базарбековна өзінің электронды оқулықтарының тұсаукесерін жасады. Профессор Есенжан Дина Анесовна араб тілін оқытудағы ерекше еңбегі үшін естелік сыйлықпен марапатталды. Форум өткізу кезеңінде оқытушылардың Қазақстан Республикасының Сауд Арабиясы Корольдігіндегі елшісімен кездесуі ұйымдастырылды. Форум халықаралық тәжірибе алмасу алаңына айналды және жоғары кәсіби деңгейде өтті.

Халықаралық құқық кафедрасы «Қазақстан Республикасы Президентінің 2022 жылғы кезектен тыс сайлауы және президенттік басқару нысаны» тақырыбында теориялық семинар өткізеді.

Спикер заң ғылымдарының докторы, профессор Мухамеджанов Э.Б. болды.

Абылай хан атындағы ХҚ және ӘТУ-де   қашықтықтан білім беру орталығы ұйымдастырумен 2022 жылдың  7-ші желтоқсанынан бастап 2023 жылдың 11-ші қаңтар аралығында "Ресми және бейресми оқытудағы цифрлық технологиялар" атты 72 сағат көлемінде курс өткізілді. Курсты  п.ғ.д., т.ғ.к., ХАА академигі және РЖҒА академигі Б. Ж. Шәріпов, п.ғ.д., профессоры Д. М. Джусубалиева , және  Ж. И. Ерболатов  жүргізді. Курсты PhD Э. Ташкиннің жетекшілігімен қашықтықтан білім беру орталығы ұйымдастырды. Жалпы семинар қызметкерлер мен оқытушылар үшін офлайн және онлайн форматта болды.  Семинарға «Білім беруді кәсіби цифрландыру» кафедрасының оқытушысы А.В. Трофимова белсене ат салысты.

2022 жылдың желтоқсан айында Астана қаласында «Bilim-orkenieti» ұлттық инновациялық ғылыми-зерттеу орталығы мен "АМАНАТ" партиясының ұйымдастыруымен «ҚР жылдың үздік маманы - 2022», «Жылдың үздік оқытушысы», «Үздік жас маман-2022» республикалық байқаулары өтті. «Bilim-orkenieti» ұлттық инновациялық ғылыми-зерттеу орталығы - мемлекетіміздегі білім беру ұйымдарының мұғалімдері мен оқытушыларының инновациялық әдістері мен шығармашылық әлеуетін қалыптастыру, педагогтердің біліктілігін арттыруға, тәжірибе алмасуына ықпал етуге мамандандырылған орталық.

Абылай хан атындағы Абылай хан атындағы ҚазХҚжӘТУ ректоры Салима Құнанбаева беделді Hertfordshire Press Awards халықаралық кітап сыйлығының лауреаты атанды. Ол авторы болып табылатын "Competence-based modelling of professional foreign language education" ғылыми-зерттеу кітабы (Кәсіби шет тілді білім берудің құзыретті модельдеуі) "Best Research Book" номинациясы бойынша марапатқа ие болды.

Міне, тура бір семестр бойы UPNVJ университетінің (Индонезия) студенттері Абылай хан атындағы ҚазХҚжӘТУ базасында онлайн дәрістер форматында халықаралық қатынастардың негіздері мен заманауи мәселелерін меңгеруде.

2022 жылдың 23 желтоқсанында Халықаралық қатынастар факультетінде «ҚазҰУ Хабаршысы. Халықаралық қатынастар және халықаралық құқық сериясы» журналының үздік ғылыми мақаласы – 2022» байқауы өз мәресіне жетіп, байқаудың жеңімпаздары мен номинанттарын марапаттауға арналған салтанатты іс-шара өтті. Байқау комиссиясы «ҚазҰУ Хабаршысы. Халықаралық қатынастар және халықаралық құқық сериясы» журналында 2019, 2020, 2021 жылдар кезеңінде жарияланған авторлардың мақалаларын қарастырды.

24 желтоқсанда Абылай хан атындағы ҚазХҚжӘТУ қызметкерлерінің кәсіподағы кәсіподақ комитет мүшелерінің балаларына арналған жаңа жылдық ертеңгілік ұйымдастырып, өткізді. 50 – ге жуық бала зұлым Малифисента Жаңа жылды ұрлап әкеткен ертегі әлеміне еніп кетті, бірақ әдемі Эльза өзінің көмекшілерімен – қоян мен аюмен бірге оны қайтарып алды. Балалар Аяз ата мен Ақшақарды көмекке шақырып, Жаңа жылды қайтаруға көмектесті! Ал, финалда балаларға сыйлықтар берілді!

2022 жылдың 15 желтоқсанында Халықаралық құқық және экономика факультеті Мұхтар Омарханұлы Әуезов атындағы Қазақ мемлекеттік академиялық драма театрына саяхат ұйымдастырды. 1 және 4 курс аралығында оқытушылар мен студенттердің толық құрамымен бірге «Томирис» спектаклінің көрермендері болды.  Шексіз далада халық анасының аты – Томирис мақтанышпен естіледі. Он екі тайпаны бір қанаттың астына біріктірген ұлы патшайым бүгінгі таңда бүкіл қазақ халқының патриоттық рухының көрінісі болып табылады.

18 желтоқсан – Халықаралық араб тілі күніне орай 2022 жылдың 12 желтоқсанында  Абылай хан атындағы Қазақ халықаралық қатынастар және әлем тілдері университетінің «Шетел филологиясы (шығыс тілдері)» және «Шығыстану» білім беру бағдарламалары бойынша білім алып жатқан араб тілін оқитын 2-4 курс студенттері мен оқытушылар Нұр-Мүбарак Египет ислам мәдениеті университетінде араб халқының мәдениеті мен салт-дәстүрлерімен таныстыру мақсатында ұйымдастырылған  іс-шараға қатысты.  Іс-шарада  Біріккен Араб Республикасы университетінің Халықаралық мәдени дипломатия институтының директоры, доктор Мухаммад Камал әл-Моаини, Мысыр Араб Республикасының уақфтар министрі Мухаммад Мухтар Джумга мен Мысыр жоғары оқу орнының жетекші ғалымдары мен ұстаздары, филологтар, тарихшылар, мәдениеттанушылар және бұқаралық ақпарат өкілдері болды.