Шығыстану

Академиялық дәрежесі: Гуманитарлық ғылымдар бакалавры

Оқу мерзімі: 4 жыл

Дайындық тілі: қазақ / орыс / қытай / жапон / корей/түрік/ араб

Екінші шет тілі: ағылшын

Түлектерді жұмысқа орналастыру деңгейі — 78%

"Шығыстану" білім беру бағдарламасы шығыстану саласында 2 шет тілін, сондай-ақ Шығыс елдерінің тарихы, саясаты, экономикасы мен мәдениеті туралы білімі бар мамандарды даярлауға бағытталған.

Білім беру бағдарламасы жұмыс берушілердің талаптарына сәйкес әзірленген және түлектерді шығыстанушының кәсіби қызметін орындау үшін қажетті құзыреттермен қамтамасыз етеді.

Бағдарламаның бірегей артықшылықтарына Шығыс елдерінің тілдік және мәдени ортасына толық ену, сондай-ақ шығыстанушыларды кешенді оқыту кіреді. Студенттер шығыс тілдерін, Шығыс елдерінің тарихы мен мәдениетін, саясаты мен дипломатиясын, экономикасы мен заманауи бизнес-процестерін, діни және рухани дәстүрлерін, сондай-ақ Шығыс елдерінің даму модельдерін зерттейді. «6B02201 - Шығыстану» БбБ-ның бірегейлігі - келесі мамандандырылулармен қамтамасыз етіледі: «Шығыстың медиамәдениеті және шығармашылық индустриялары бойынша маман» (микробіліктіліктер: Шығыс елдерінің медиамәдениеті бойынша маман, Шығыс аймағының шығармашылық индустрияларының талдаушысы) және «Әлемдік сыртқы экономикалық саясаттың шығыс бағытының талдаушысы» (микробіліктіліктер: Шығыс елдерінің сыртқы экономикалық саясатының талдаушысы, Шығыс елдерімен сауда-экономикалық ынтымақтастық жөніндегі сарапшы). Бағдарлама пәнаралық тәсілмен, практикалық бағытталуымен және интерактивті оқыту әдістерін қолдануымен, сондай-ақ шығыс және ағылшын тілдерін үздіксіз оқытумен ерекшеленеді.

Бағдарламаның қосымша артықшылықтарына Қытай, Оңтүстік Корея, Жапония, Түркия және араб елдеріндегі жетекші серіктес университеттерге академиялық ұтқырлық мүмкіндіктері; мемлекеттік ұйымдар мен ірі компанияларда өндірістік және дипломалды тәжірибеден өту және қосымша тілдік, кәсіби сертификаттар алу кіреді.

Профессор-оқытушылар құрамында докторлар, ғылым кандидаттары, PhD докторлары және магистр дәрежесі бар мамандар бар, олар студенттердің сыни ойлауын, стратегиялық жоспарлауын және аналитикалық дағдыларын дамытуға көмектесетін жағдайлық модельдеу, пікірталастар, кейс-стадилер, жеке және топтық жұмыс сияқты әртүрлі оқыту әдістерін қолданады.

6B02201 — Шығыстану бағдарламасының түлектері келесі салалар мен ұйымдарда жұмыс істей алады:

Мемлекеттік сектор:

• Қазақстан Республикасының Сыртқы істер министрлігі;
• Жергілікті және орталық мемлекеттік органдар;
• Талдау және сараптамалық органдар;

Халықаралық және бизнес орта:

• Халықаралық компаниялар мен корпорациялар;
• Ірі және шағын логистикалық компаниялар;

Аналитика және ғылым:

• ғылыми-зерттеу институттары;
• Талдау орталықтары және консалтингтік ұйымдар.

"Шығыстану" бағдарламасының түлектері келесі кәсіби мансаптарды таңдай алады:

• Сараптамалық-талдамалық қызмет;
• Дипломатиялық және консулдық қызмет және халықаралық байланыстар жөніндегі маманы;
• Халықаралық экономикалық және сыртқы саясат қызметі бойынша кеңесші;
• Аударма қызметі;
• Ғылыми-зерттеу қызметі;
• Педагогикалық қызмет.

Бейіндік пәндер: шет тілі/дүниежүзі тарихы