Абылай хан атындағы Қазақ халықаралық қатынастар және әлем тілдері университетінің Пембангунан ұлттық университетімен халықаралық ынтымақтастығы аясында меморандумға қол қойылып: академиялық ұтқырлық бойынша (оқытушылар құрамы мен студенттер үшін жазғы мектептер); халықаралық құқықтың өзекті мәселелері бойынша бірлескен қонақтық дәрістер өткізу туралы келісілді.

2022 жылдың 11 наурызында  Алматы қаласында  Абылай хан атындағы Қазақ халықаралық қатынастар және Әлем тілдері университетінде  жас ғалымдар мен мамандар үшін «Индустрия 4.0: ұрпақтар сұхбаты және жас ғалымдарға жаңа бағыт-бағдар» атты VIII Республикалық ғылыми-практикалық конференция өткізілді. Конференция барысында шет елдік және отандық ғалымдар, ЖОО оқытушылары мен докторантары, магистранттар  өз жұмыстарын көрсетті. Конференция online форматта өтті.

2022 жылдың 28 ақпанда аймақтану кәсіби кафедрасы халықаралық қатынастар факультетінің "6В03102-Аймақтану" мамандығының 3 курс студенттеріне профессор Искрен Ивановтың "Болгария Еуропалық Одақ пен жаһанданған әлемде" тақырыбында дәріс ұйымдастырды.  Дәріс онлайн форматта, жоғары деңгейде өтті. Онлайн дәріс барысында студенттер теориялық сұрақтар қойып, Еуропадағы саяси жағдайды талқылады.

Шет тілдер педагогикалық факультетінің 3-курс студенті Абилкасимова Аида Камиевна Румынияның Бухарест қаласындағы «AUF-RFI» бүкіләлемдік университеттер желісі ұйымдастырған француз тілінен кәсіби тағылымдаманың іріктеу кезеңінен сәтті өтті. Әлемнің Албания, Армения, Турция, Ресей, Украина, Грузия, Молдова сынды алпауыт 26 елінен білікті де білімді студенттер бақ сынасқан іріктеуге университетімізден 30-дан аса студенті қатысуға ниет еткен. Жалпы нәтижеде әлем елдерінен 19 қатысушы іріктеліп алынды. Өзінің тілдік құзіреттілігін дәлелдеп, топты жарып шыққан студентіміз жетекшісі Бесирова Нургуль Сайлаухановнамен бірге үлкен дайындықтың оң нәтижесіне қол жеткізіп отыр.  

🥳1 наурыз Алғыс айту күніне орай ұйымдастырылған "Асыл текті халықтың ұранды ұрпағы" атты университетішілік өлең байқауының жеңімпаздары анықталды:
🥇І орын: аударма ісі және филология факультетінің 2-курс студенті Палей Татьяна, "Мы - народ доблестный, дети чести!" атты өлеңі.
🥈ІІ орын: Шығыстану факультетінің 3-курс студенті Муталіпова Мадина, "Единство - наша сила" атты өлеңі.
🥉ІІІ орын: аударма ісі және филология факультетінің 1-курс студенті Джангулова Санель, "То время Сталинской поры" атты өлеңі.
💜Барша жеңімпаздарды құттықтаймыз! Жеңімпаздарымызға шығармашылық шабыт пен толағай табыстар тілейміз!

Ақпан айының 15-і мен 23-і аралығында Абылайхан атндағы ҚазХҚжәнеӘТУ-дің 80-жылдығына арналған университетішілік студенттік  спартакиада өткізілді. Спартакиада ойындары волейбол, баскетбол, футзал, үстел теннисі, шахмат, тоғызқұмалақ сынды 6 спорт түрінен ұйымдастырылды. 

Қошқарбай Асылжан, Рахимжанова Меруерт және Қапан Маржан "Әлеуметтік желілердің адамның психологиялық және физикалық денсаулығына әсері және олардың күнделікті өмірде қолдану ерекшеліктері" тақырыбында подкаст жазу бойынша өз жобасын таныстырды. Студенттер журналистік зерттеу жүргізіп, жобаның маңыздылығын дәлелдеді. Соның арқасында олар грант жеңіп алып, аудио платформаларда "Sutpen Shai" подкастын шығарды:

«Шетел филологиясы» және «Журналистика» мамандықтарының 1 курс магистранттары 2022 жылдың қаңтар айынан бастап «Мәдениеттің медиа ландшафты: мәтінді оқу» халықаралық on-line курсына қатысады. Мазмұны бойынша заманауи, құрылысында интерактивті курс Цюрих университетінің Switch.ch білім беру платформасында жүргізіледі. Цюрих университетінің жетекші оқытушы-ұйымдастырушысы және филология ғылымдарының докторы, доцент-хабил Ольга Буренина-Петрова

2022 жылдың 21 ақпанда аймақтану кәсіби кафедрасы халықаралық қатынастар факультетінің "6В03102-Аймақтану" мамандығының 1 курс студенттеріне профессор Рагунах Махаббирдің "Тринидад және Тобаго: тарих, әлеуметтік-экономикалық жағдай және сыртқы саясат" тақырыбында дәріс ұйымдастырды.  Дәріс онлайн форматта, жоғары деңгейде өтті. Онлайн дәріс барысында студенттер теориялық сұрақтар қойып, Венесуэланың да ішкі саяси жағдайын талқылады.

21.02.2022 жылы ҚазХҚжӘТУ-ға жұмыс сапарымен Қазақстан Республикасы Парламенті Мәжілісінің депутаттары, "Нұр Отан" партиясы фракциясының мүшелері Құспан Айгүл Сайфоллақызы мен Сүлейменова Жұлдыз Досбергенқызы келді. Депутаттар ректор С.С. Құнанбаева бастаған университеттің еңбек ұжымымен кездесіп, күн тәртібіндегі өзекті мәселелерді талқылады. Университет ПОҚ өз кезегінде Жоғары мектеп алдында тұрған міндеттерді және Абылай хан атындағы ҚазХҚжәнеӘТУ жоғары білім беру саласында шешуге бағытталған мәселелерді атап өтті.